गोरखा ः गोरखा नगरपालिका–१४ स्थित अकला मन्दिर नजिकैको एक होटलमा २८ वर्षिय महेश पन्थ मृत अवस्थामा भेटिएका छन् ।

नगपालिका–८ लामाचौर घर भइ अकला मन्दिर नजिकै हिल कटेज होटल संचालन गरि वस्दै आएका पन्थ सोमबार मृत अवस्थामा भेटिएका हुन् । आफु सुत्ने कोठा भित्रै उनी मृत भेटिएको प्रहरीले जनाएको छ ।

मृतकको टाउको लगायतको शरीरको विभिन्न भागहरुमा काटिएको अवस्थाको चोटहरु देखिएको जिल्ला प्रहरी कार्यालय गोरखाका डिएसपी रमेश कुमार श्रेष्ठले जानकारी दिए । घटना शंकास्पद देखिएपछि थप अनुसन्धान भइरहेको उनले बताए । सोमबार नै जिल्ला प्रहरी कार्यालयबाट खटिएको प्रहरी टोलीलले मुचुल्का लगायतको प्रारभ्भिक अनुसन्धान गरेको थियो ।