गोरखाः पालुङटार नगरपालिका–३ मा भएको आर्युवेद तथा आँखा जाँच घुम्ती शिविरबाट दुइ ५० जनाले सेवा लिएका छन् ।

आयुर्वेद तर्फ ९४ पुरूष र ४२ महिला गरी १३६ जना र आँखा जाँच तर्फ ७१ पुरूष र ४३ महिला गरी ११४ जनाले सेवा लिएका छन् । जडीबुटीको प्रयोग गरी उपचार गर्दा कुनै प्रकारको साइड इफेक्ट नहुने र दिर्घकालीन रूपमा अन्य रोगको शिकार हुनबाट समेत बच्न सकिने हुँदा आयुर्वेदिक उपचार पद्दतीमा जोड दिनुपर्ने कार्यक्रमका सहभागीले जोड गरेका थिए ।

शिविरमा पालुङटार आँखा उपचार केन्द्रका नेत्र सहायक रक्षा कुंवर र संगीता श्रेष्ठले आँखाको जाँच गरेकी थिइन् । आयुर्वेद तर्फ हितकाजी श्रेष्ठ र बसन्त कुँवरले परीक्षण गरेका थिए । डुम्रेडाँडा शहरी स्वास्थ्य केन्द्रमा वडा नम्वर ३ का वडा अध्यक्ष रविन्द्र अधिकारीको प्रमुख आतिथ्यतामा भएको शिविर उद्घाटन कार्यक्रममा पालुङटार नगरपालिका आयुर्वेद शाखाका प्रमुख हितकाजी श्रेष्ठ, शाखाका बैद्य निरीक्षक बसन्त घिमिरे, अर्जुन न्यौपाने लगायतको सहभागीता रहेको थियो ।