गोरखा ःमाघे सक्रान्तिको अवसरमा घैरुङमा गोरु जुधाई प्रतियोगीता सम्पन्न भएको छ ।

प्रतियोगीतमा १२ हल गोरुले सहभागिता जनाएका थिए । शहिद लखन गाउँपालिका–९ नाम्जुङको सावित्रि अगांई, नवराल लामिछाने र सुदिप भुजेलको गोरु प्रतियोगीतामा प्रथम वने ।

‘ए ग्रेड’ बाट प्रतियोगीतामा प्रथम वनेका ५ वटा गोरुका धनीलाई १५ हजार नगद पुरस्कार, द्धितिय वनेकालाई ५ गोरुलाई १० हजार तथा ‘वि ग्रेड’बाट प्रथम वनेकालाई ६ वटालाई ८ हजार र द्धितिय वनेकालाई ६ वटा गोरुका धनिलाई ४ हजार नगदको साथमा मेडल र प्रमाणपत्र पुरस्कार वितरण गरिएको थियो ।

शहिद लखन गाउँपालिका–६ को हिमालय देवी युवा क्लवको आयोजनामा घैरुङ स्थित पिपलछाप मैदानमा प्रतियोगीता भएको थियो । दशौ शहिद लखन हिमालय देवी कप पुरुष फुटवल प्रतियोगीतामा रोइला डट कम फिस्लिङ पहिलो र वतासे समाज घैरुङ दोस्रो वनेको छ ।

पहिलो वनेको टिमलाई एक लाख ३० हजार र दोस्रो वनेको टिमलाई ६५ हजार नगदको साथमा मेडल तथा प्रमाणपत्र पुरस्कार दिइएको छ । त्यस्तै माघे सक्रान्ति मेलाको अवसरमा भएको दौड प्रतियोगीतामा रन्जित श्रेष्ठ पहिलो, प्रदिप रोका दोस्रो र आशिक श्रेष्ठ तेस्रो वनेका छन् ।

हस्तकला अन्तरगत डोको, चकटी, खुर्पेटो प्रर्दशनी पनि भएको थियो । कफि तथा कृषि, पशु पंषि र मत्स्य प्रदर्शनी पनि भएको थियो । विभिन्न प्रकारको रैथाने वालि, कफि, पशु, पक्षी, मत्स्य प्रदर्शन गर्ने उत्कृष्ट किसानलाई पुरस्कृत तथा समम्मान गरिएको थियो । कार्यक्रममा गण्डकी प्रदेशका सभामुख कृष्ण धिताल, गाउँपालिकाका अध्यक्ष रमेश थापा लगायतको सहभागीता रहेको थियो ।