गोरखाः गोरखा सदरमुकाममा जारी कृषि पर्यटन तथा ब्यपार मेलाको ४० हजार भन्दा बढीले अवलोकन गरेका छन् ।

चेम्वर अफ कमर्सका अनुसार मेलामा चार करोड भन्दा वढीको कारोवार भएको छ । पौष १९ गतेबाट शुरु भएको मेला वुधबार सकिएको छ । मेलाको अवधिको २५, २६, २७ र २८ गते सवै भन्दा वढी दर्शकले मेलाको अवलोकन गरेका थिए ।

२६ गते विहिबारको दिन मात्र ५ हजार वढी दर्शकले मेलाको अवलोकन गरेको चेम्वर अफ कमर्सका अध्यक्ष भाइचन्द्र श्रेष्ठले जानकारी दिए । ‘तुलनात्मक रुपमा अन्य दिनमा पनि १५ सय देखि दुइ हजार दर्शकले मेलाको अवलोकन गरेको हाम्रो अनुमान हो,’ उनले भने ।

मेलामा एक सय भन्दा वढी स्टल रहेका थिए । चेम्वर अफ कमर्सका अधयक्ष भाइचन्द्र श्रेष्ठको अध्यक्षतामा भएको समापन कार्यक्रममा गोरखा नगरपालिकाका नगर प्रमुख कृष्ण राना, चुमनुव्री गाउँपालिकाका अध्यक्ष निमा लामा लगायतको सहभागीता रहेको थियो ।

मेलाको अन्तिम दिन लोकदोहोरी गाइका प्रिती आले, रविन लामिछाने लगायतको प्रस्तुती रहेको थियो ।