गोरखा ः चालु आर्थिक वर्षको ६ महिनाको अवधिमा मादक पदार्थ सेवन गरी सवारी चलाउने दुइ सय ४३ सवारी चालक कारवाहीमा परेका छन् ।

मादक पदार्थ सेवन गरि सवारी चलाउनेलाई कारवाही गरि तिन लाख २५ हजार राजश्व संकलन भएको जिल्ला ट्राफिक प्रहरी कार्यालय गोरखाले जनाएको छ ।

साउन महिनामा २६, भदौमा ३०, असोजमा ४१, काक्तिकमा २९, मंसिरमा ४५ र पुस महिनामा ७२ जना मापसे सेवन गरेका सवारी कारवाहीमा परेको ट्राफिक प्रहरी कार्यालयको तथ्याङ्कमा उल्लेख छ । माघ महिनामा १५ दिनको अवधिमा मात्र ४९ जना मादक पदार्थ सेवन गरेर सवारी चलाउने चालकलाई ट्राफिक प्रहरीले कारवाही गरेको छ ।

तथ्याङ्क अनुसार मापसेमा कारवाही पर्ने मोटरसाइकल चालक वढी छन् । ६ महिनको अवधिमा मादक पदार्थ सेवन गरि सवारी चलाउने १ सय ९२ मोटरसाइकल चालक कारवाहीमा परेको तथ्याङ्कमा उल्लेख छ । कार जिप ३०, ट्रक ट्याङ्कर ९, ट्याक्टर ८ र ४ जना वस चालक मापसेमा कारवाहीमा परेका छन् ।

त्यस्तै चालु आर्थिक वर्षको ६ महिनाको अवधिमा ट्राफिक नियम उल्लंघन गर्ने ५ हजार ४ सय ५६ सवारी कारवाहीमा परेका छन् । कारवाहीमा परेका सवारीबाट ४० लाख ८३ हजार पाँच सय राजस्व सकलन भएको छ ।

मोटरसाइकल दुइ हजार पाच सय ६१, कार जिप १ हजार तिन सय ४७, ट्याक्टर टिप्पर ८५९, वस ४ सय ४१, ट्याकटर ३ सय १७ सवारी कारवाहीमा परेका हुन् । लाइसेन्स÷बिलवुक नवोक्ने, ओभर लोड, क्षमता भन्दा वढी यात्रु राख्ने सवारीलाई कारवाही गरिएको जनाइएको छ । ट्राफिक प्रहरीले ग्रामिण क्षेत्र जाने सवारीलाई पनि लक्षित गरेर छड्के चेकजाँच तिव्र बनाएको छ ।