गोरखा ः प्रथम शहिद लखन थापा मगरको योगदान र गौरव गाथाको अध्ययनको लागि समिति गठन गरिएको छ ।

प्राध्यापक डाक्टर श्रीराम प्रसाद उपाध्यायको सयोजकत्वमा अध्ययन समिति गठन गरिएको हो । उप–प्रध्यापक हिक्मत वहादुर खत्री, जीवन आले मगर र संजोग लाफा मगर रहने गरी ५ सदस्यीय समिति गठन गरिएको हो ।

प्रथम शहिद लखन थापा मगर स्मृति प्रतिष्ठानको गत शनिबारको वैठकले उत्त निर्णय गरेको हो । शहिद लखन थापाले गरेको योगदान, जिवन सगँ सम्वन्धित विषयमा थप अनुसन्धान हुने प्रतिष्ठानका अध्यक्ष जिवन आलेले बताए ।

त्यस्तै वैठकले प्रथम शहिद लखन थापा मगर संस्थागत संजाल राष्ट्रिय र स्थानीय स्तरमा निर्माण गरी लखन थापा मगरको सम्वन्धमा प्रचार प्रसार, सम्मान, सालिक निर्माण तथा संरक्षण र पर्यटन क्षेत्रको विकासमा समन्वयय एव सहकार्य गर्ने निर्णय पनि भएको छ ।

प्रथम शहिदको १४७ औँ स्मृति दिवस फागनु २ गते शहिद लखन गाउपालिका, लखन थापा मगर प्रतिष्ठान र नेपाल मगर संघको संयुत्त आयोजनामा लखन किल्ला काहुले भंगारमा गर्ने पनि निर्णय गरेको छ ।