गोरखा ः राष्ट्रिय बाणिज्य वैक शाखा कार्यालय आरुघाटको आयोजनामा आरुघाट गाउँपालिका–१० स्थित फुलपाती भञ्ज्याङमा वित्तिय साक्षरता कार्यक्रम सम्पन्न भएको छ ।

कार्यक्रममा जनप्रतिनिधि, उपभोक्ता समितिका पदाधिकारी, स्थानीय वुद्धिजिवी, सामाजिक सुरक्षा भक्तामा आवद्ध भएका लाभग्राही, शाखाका कर्मचारी लगायतको सहभागिता रहेको थियो ।

कार्यक्रममा वैकका विविध पक्षहरुको वारेमा जानकारी पनि गराइएको थियो । उपभोक्ता समितिको खाता संचालन, कर्जा, डिजिटल वैंकिङ, चेक सटही तथा नगद जम्मा, भौचर लगायत अन्य वैङ्कीक सम्वन्धी गतिविधिवारे वित्तिय साक्षरता प्रदान गरिएको थियो ।

राष्ट्रिय वाणिज्य वैक आरुघाट शाखाका प्रवन्धक सुनज क्यापछाकी मगरको अध्यक्षतामा भएको कार्यक्रममा आरुघाट गाउपालिका–१० का वडा अधयक्ष संजित श्रेष्ठ, वडा सदस्य बालकृष्ण लामिछाने, गममाया सुनार लगायतको सहभागीता रहेको थियो ।

सोहि कार्यक्रमको अवसर पारेर खत्रीस्वाँरा पैका, डाडागाउँ, देउरालीका लभाग्राहीलाई सामाजिक सुरक्षा भक्ता पनि वितरण गरिएको छ ।