गोरखा ः बारपाक सुलिकोट गाउँपालिका–८ जराङ स्थित शहिद दिल वहादुर रम्तेल स्मृति पार्क परिसरमा रहेको शालिककोअनावरण गरिएको छ ।

दश वर्षे जनयुद्धका प्रथम शहिद दिलवहादुर रम्तेलको २९ औँ स्मृती दिवसको अवससरमा शालिक अनवारण गरिएको हो ।

दिल बहादुर रम्तेल स्मृति पार्क तथा जनयुद्ध संग्रहालयको परिसमा स्थापित शालिकको गण्डकी प्रदेशका सभामुख कृष्ण धितालले सोमबार एक कार्यक्रमका विच अनावरण गरेका हुन ।

कार्यक्रमको अवसरमा जनयुद्धका क्रममा शहादत भएका शहिद तथा घाइतेलाई सम्मान पनि गरिएको वारपाक सुलिकोट गाउँपालिकाका अध्यक्ष विष्णु भट्टले जानकारी दिए ।

बारपाक सुलिकोट गाउँपालिकाका अध्यक्ष भट्टको अध्यक्षतामा भएको कार्यक्रममा सभामुख धिताल,संविधान सभा सदस्य तथा माओवादी नेता अमर तमु, माओवादी केन्द्रका नेता नर बहादुर गुरुङ, एमालेका हरि बस्नेतले लगायतले मन्तब्य राखेका थिए ।

स्मृति दिवसको अवसरमा अखिल क्रान्तिकारी गोरखाले वारपाक सुलिकोट–८ को ब्रम्हाचारिणी आधारभुत विद्यालयका विद्यार्थीलाई स्टेशनरी सामाग्री पनि वितरण गरेको छ ।