गोरखा ः बारपाक सुलिकोट गाउँपालिका–१ स्थित मम्चेमा ट्याक्टर दुर्घटना हुँदा एक जना घाइते भएका छन ।

दुर्घटनामा गेरखा नगरपालिका–११ सिर्दिखेलाका ३१ वर्षिय रविन मग्राती घाइते भएको प्रहरीले जनाएको छ । उनको हाल नयाँ मेडिकल कलेज चितवनमा उपचार भइरहेको ट्राफिक कार्यालयले जनाएको छ ।

आइतबार राती करिव ८ बजे ग १ त ३९२४ नम्वरको ट्याक्टर लाप्राकबाट राङरुङ तर्फ बालुवा लिन जानेक्रममा अनियन्त्रित भई करिव एक सय मिटर तल खसेर दुर्घटना भएको जिल्ला ट्राफीक कार्यालय गोरखाले जनाएको छ ।