मनकामना जाँदै गरेको स्कारपिओ दुर्घटना हुँदा एक जनाको मृत्यू
मनकामना जाँदै गरेको स्कारपिओ दुर्घटना हुँदा एक जनाको मृत्यू
गोरखा ः मनकामना जाँदै गरेको स्कारपिओ गाडी शहिदलखन गाउँपालिका–३ घोर्लेस्वाँरामा दुर्घटना हुँदा एक जनाको मृत्यू भएको छ ।
मझुवा देउराली–मनकामना सडक खण्ड अन्तरगत घोर्लेस्वाँरामा स्कारपिओ दुर्घटना हुँदा नवलपरासी पुर्व, विनय त्रिवेणी गाउँपालिका–४ का ४५ बर्षिय शोभाखर गैरेको मृत्यू भएको प्रहरीले जनाएको छ ।
ग १ च ७६१९ नम्वरको स्कारपिओ गाडी उकालो चढ्न नसकी पछाडी ब्याक भएर अनियन्त्रित भइ सडकको नालीमा पल्टीएर दुर्घटना भएको थियो । सोहि क्रममा स्कारपिओमा सवार गैरे घाइते बनेका थिए । उनको उपचारको क्रममा तनहुँको आवुखैरेनी स्थित छिम्केश्वरी अस्पतालमा मृत्यू भएको प्रहरीले जनाएको छ ।
स्कारपिओ चालक नवलपरासी पुर्व, विनय त्रिवेणी गाउँपालिका–४ का वेग वहादुर क्षेत्रीलाई नियन्त्रणमा लिएर घटनाको थप अनुसन्धान भइरहेको जिल्ला प्रहरी कार्यलय गोरखाका डिएसपी रमेश कुमार श्रेष्ठले जानकारी दिए ।
