गोरखा ः जिल्ला प्रहरी कार्यालमा रहेको क्वार्ज क्रिष्टल चैत २३ गते गोरखा दरवारमा राख्ने तयारी गरिएको छ ।
गत असारमा गोरखा नगरपालिका–७ का चन्द्रमान शाहीको घरबाट प्रहरीले क्वार्ज क्रिष्टल बरामद गरेका थियो । क्वार्ज क्रिष्टल राख्नका लािग आवश्यक तयारी भइरहेको गोरखा नगरपालिकाका प्रमुख कृष्ण रानाले बताए ।

क्वार्ज क्रिष्टल गोरखा दरवारमा राख्ने सर्वपक्षिय वैठकले निर्णय गरिसकेको छ । एउटा टेवुलमा पारदर्शी सिसाले कवर गरेर क्वार्ज क्रिष्टल राखिने मेयर रानाले जानकारी दिए । ‘सिसि टिभि पनि राख्छौ, पारदर्शी सिसाको बाकस भित्र बत्ती उज्यालो सहित क्वार्ज क्रिष्टल राख्ने तयारी छ,’ उनले भने ।

दरवार स्थित पृथ्वी नारायण शाहको गद्धी भएको कोठामा क्वार्ज किष्टल राख्ने तयारी गरिएको हो । ‘पुजा गर्नेले पुजा गर्न पनि सकिने, हेर्छु भर्नेले देख्ने गरि क्रिष्टल रहन्छ,’ उनले भने । क्वार्ज क्रिष्टल स्थापनाका लागि करिव ५ लाख खर्च लाग्ने अनुमान गरिएको छ । क्वार्ज क्रिष्टल स्थापनाका दिन चैत २३ गते प्रधानमन्त्री पुष्पकमल दाहाल पनि आउने तय भएको छ ।

लाखौ मुल्यमा किनवेच हुन लागेको सुचनाको आधारमा क्वार्ज क्रिष्टल वरामद गरेको प्रहरीले बताउँदै आएको छ । खानी तथा भुगर्व विभागबाट आएका भुगववर््विदहरुले परीक्षण गर्दा महत्वपुर्ण र वहुमुल्य रत्नपत्थर रहेको बताएका थिए ।