गोरखा ः गोरखा लायन्स आँखा सेवा केन्द्रको आयोजनामा भएको मोतियाविन्दु शल्यक्रिया शिविरबाट ३८ जना लाभान्वीत भएका छन् ।

गोरखा नगरपालिकाको १० जना र अन्य नगरपालिका तथा गाउपालिकाको २८ जना गरी ३८ जनाको मोतियाविन्दुको शल्यक्रिया भएकोे केन्द्रका प्रशासकीय अधिकृत विश्व प्रकाश अर्यालले जानकारी दिए ।

शिविर चैत १९ देखि २१ गते सम्म संचालन भएको थियो । गोरखा लायन्स आँखा सेवा केन्द्रले बिभिन्न समयमा र नियमित रुपमा समुदायमा गएर आँखा जाच गरि रहेको र सो जाँचको क्रममा मोतिबिन्दुको शल्यक्रिया गर्नु पर्ने भएमा केन्द्रमा पठाउने गरेको छ ।

गोरखा लायन्स आँखा सेवा केन्द्रले बिद्यालय, समुदायमा आँखा जाच कार्यक्रमलाइ निरन्तरता दिदै आइरहेको छ । सो अवसरमा गर्मि बढेसगै आँखामा समस्या हुने भएकोले बिरामीहरु मार्फत आफ्ना परिवारका सदस्य तथा छिमेकीहरुलाइ नियमति आँखा जाच गर्नको लागी सेवा केन्द्र जान अनुरोध पनि गरिने गरेको छ ।