गोरखा ः गण्डकी गाउँपालिकाले १ सय ५ जना जना दिर्घरोगी तथा गर्भवती महिलाहरुको निशुल्क स्वास्थ्य विमा गरेको बछ ।

पहिलो चरणमा स्वास्थ्य विमा वापतको रकम भु्क्तानी पनि भइसकेको गाउँपालिकाले जनाएको छ । पालिका भर सुचिकृत दिर्घरोगी र गर्भवतीलाई वार्षिक एक लाख सम्मको विमा निशुल्क गरिएको हो ।

गाउँपालिका अन्तर्गत वडा नम्बर १ देखी ८ सम्मको गर्भवती महिला र दिर्घरोगीहरुको घरपरिवारले २०८१ जेठ १ बाट स्वस्थ्य सेवा लिन मिल्ने गरि विमामा आवद्ध गरिएको गाउँपालिका प्रमुख प्रशासकिय अधिकृत रिजेश उपरकोटीले जानकारी दिए । निशुल् स्वास्थ्य विमामा ७५ जना गर्भबती महिला र ३० जना दिर्घरोगी आवद्ध वनेको उनले बताए ।

१०५ जनाको प्रति परिवारलाई ३ हजार पाँच सय दरले पहिलो चरणमा ३ लाख ६७ हजार पाँच सय रुपैया भुक्तानी गरिएको छ । चालु अर्थिक बर्ष उत्त कार्यक्रमको कार्यन्वयनका लागि गाउँपालिकाले १० लाख बजेट छुट्टाएको थियो ।

गर्भवती महिलाहरुकोसुत्केरी हुदाँ लाग्न सक्ने खर्च एव आमा तथा बच्चाको स्वास्थ्य उपचारमा लाग्ने खर्च न्यूनिकरणका लागि निःशुल्क स्वास्थ्य बिमा गरिएको जनाइएको छ ।