गोरखाः बारपाक सुलिकोट गाउँपालिका स्थित बारपाकमा गण्डकी प्रदेश स्तरीय महिला तथा पुरुष भलिबल प्रतियोगिता सुरु भएको छ ।

जिल्ला खेलकुद विकास समितिको समन्वय तथा प्रदेश समितिको आयोजनामा गण्डकी प्रदेश जिल्ला स्तरीय भलिवल प्रतियोगिता सुरु भएको हो । समितिको बार्षिक कार्यक्रम अन्तर्गत यस वर्षको प्रतियोगिता बारपाकमा गरिएको हो । प्रतियोगितको पहिलो दिन सोमबार महिला तर्फ ८ र पुरुष तर्फ ८ गरि १६ खेल सम्पन्न भएको छ । प्रतियोगितामा सहभागि टिमलाई ४ वटा समुहमा विभाजन गरिएको छ । पुरुष तर्फ समुह ‘क’ मा बाग्लुङ र लमजुङ, समुह ‘ख’ मा तनहुँ, म्याग्दी र कास्की, समुह ‘ग’ मा नवलपुर,मुस्ताङ्ग र स्याङ्जा, समुह ‘घ’ मा पर्वत र गोरखा रहेको छन् । त्यस्तै महिला तर्फ समुह ‘क’ मा म्याग्दी र बागलुङ, समुह ‘ख’ मा तनहँु, मनाङ र कास्की समुह ‘ग’ मा स्याङ्जा, नवलपुर र लमजुङ, समुह ‘घ‘ मा पर्वत र गोरखा रहेको छ । प्रतियोगितामा गण्डकी प्रदेशका १० वटा जिल्ला टिमले सहभागिता जनाएको छ । प्रतियोगिता भोलीे सम्म हुने छ । प्रतियोगिता लिकम नकआउट प्रणालिबाट खेलाइएको छ । प्रतियोगितामा पुरुष तर्फ १२ र महिला तर्फ १२ जना खेलाडीले सहभागीता जनाएका छन् । प्रतियोगितामा प्रथम हुने महिला र पुरुष दुवै टिमले एक÷एक लाख नगदको साथमा ट्रफी, मेडल र प्रमाणपत्र प्राप्त गर्ने आयोजकले जनाएको छ । त्यस्तै दोस्रो र तेस्रो हुने टिमलाई क्रमश ७५ हजार, ४० हजार नगदको साथमा ट्रफी मेडल र प्रमाणपत्र प्राप्त गर्ने छन् । त्यस्तै प्रतियोगिताको सर्वोकृष्ट खेलाडी, उदयमान खेलाडी, उत्कृष्ट ब्लकर, उत्कृष्ट स्पाईकर, उत्कृष्ट डिफेन्डर, उत्कृष्ट सर्भर, उत्कृष्ट सेटरलाई दस÷दस हजार प्राप्त गर्ने आयोजकले जनाएको छ ।