गोरखाः बारपाक सुलिकोट गाउँपालिका स्थित बारपाकमा गण्डकी प्रदेश स्तरीय महिला तथा पुरुष भलिबल प्रतियोगिताको फाइनल खेल आज(वुधबार) हुने भएको छ ।

प्रतियोगितामा पुरुष तर्फ नवलपुर र स्याङ्जा फाइनलमा पुगेका छन् भने महिला तर्फ पर्वत र म्याग्दी फाइलमा पुगेका छन् । पुरुष तर्फको सेमिफाइनल खेलमा नवलपुरले तनहँुलाई हराउदै फाइनल पुगेका हो भने स्याङ्जा र म्याग्दी विच भएको खेलमा म्याग्दीलाई हराउदै स्याङ्जा फाइनलमा पुगेको जिल्ला खेलकुद विकास समितिका अध्यक्ष शान्तसि बस्नेतले जानकारी दिए । त्यस्तै महिला तर्फ भएको सेमिफाइनल खेलमा पर्वतले तनहुँलाई हराउदै फाइनल पुगे भने म्याग्दीले कास्कीलाई हराउदै फाइनल प्रवेश गरेको बस्नेतले जानकारी दिए ।
बुधबार विहान ८ बजे भएको पुरुष तर्फ तनहुँ र म्याग्दी तथा महिला तर्फ तनहुँ र कास्की विच तेस्रो स्थानको लागि खेल हुने बस्नेतले जानकारी दिए ।
जिल्ला खेलकुद विकास समितिको समन्वय तथा प्रदेश समितिको आयोजनामा गण्डकी प्रदेश जिल्ला स्तरीय भलिवल प्रतियोगिता भएको हो । समितिको बार्षिक कार्यक्रम अन्तर्गत यस वर्षको प्रतियोगिता बारपाकमा गरिएको हो । प्रतियोगिता लिकम नकआउट प्रणालिबाट खेलाइएको थियो ।
प्रतियोगितामा प्रथम हुने महिला र पुरुष दुवै टिमले एक÷एक लाख नगदको साथमा ट्रफी, मेडल र प्रमाणपत्र प्राप्त गर्ने आयोजकले जनाएको छ । त्यस्तै दोस्रो र तेस्रो हुने टिमलाई क्रमश ७५ हजार, ४० हजार नगदको साथमा ट्रफी मेडल र प्रमाणपत्र प्राप्त गर्ने छन् । त्यस्तै प्रतियोगिताको सर्वोकृष्ट खेलाडी, उदयमान खेलाडी, उत्कृष्ट ब्लकर, उत्कृष्ट स्पाईकर, उत्कृष्ट डिफेन्डर, उत्कृष्ट सर्भर, उत्कृष्ट सेटरलाई दस÷दस हजार प्राप्त गर्ने आयोजकले जनाएको छ ।