गोरखाः गोरखा नगरपालिकाको खानेपानी तथा सरसफाई ब्यवस्थापन वोडको वैठकले सुचकृत हुन वाँकी रहेका सम्वन्धित खानेपानी उपभोक्ता समितिहरुलाई १५ दिन भित्र सुचिकृत हुन पुन आह्वान गरेको छ ।

खानेपानी तथा सरसफाई ऐन, २०८० को दफा ६ उपदफा २ बमोजिम गत भदौ २० गते भित्र खानेपानी उपभोक्ता समितिहरुलाई नगरपालिकामा सुचिकृत हुन भनेको थियो । कुनै संस्था छुट भए विहिबारबाट १५ दिन भित्र सुचिकृत हुन पुन आह्वान गरिएको हो । त्यस्तै खानेपानी तथा सरसफाई ऐन, २०८० को दफा १५(१) बमोजिम खानेपानी तथा सरसफाई ब्यवस्थापन कोष स्थापना गर्ने र दफा १५ को उपदफा ३ बमोजिम वोर्डको कोष रहने खाता संचालनका गर्ने पनि निर्णय गरेको छ । त्यस्तै गत फागुन ८ गते वृहत दरौदी लिफ्टीङ आयोजनाको विषयमा गोरखा नगरपालिका–३ को सर्वपक्षीय÷सर्वदलिय भेलाले विभिन्न समस्याको बारे नगर प्रमुख लाई ध्यानाकर्षण पत्र वुझाएको थियो । उत्त विषयमा स्थलगत अवलोकन गरी सम्वन्धित सरोकारवालासँग छलफल गर्ने तथा खानेपानी उपभोक्ता समितिलाई आगामी वोर्ड वैठकमा छलफलको लागि वोलाउने पनि निर्णय गरेको छ । त्यस्तै खानेपानी तथा सरसफाई ब्यवस्थापन कार्यविधि निर्माण गर्न समिति पनि गठन गर्ने वैठकले निर्णय गरेको छ ।