गोरखाः गोरखा नगरपालिका क्षेत्रका ६ सय ८ जनालाई स्वास्थ्य कार्ड वितरण गरिएको छ ।

स्वास्थ्य कार्डको आधारमा गोरखा नगरपालिकाका स्थायी वासिन्दाले गोरखा अस्पतालबाट आधारभुत सेवा निशुल्क पाउने छन् । नगरवासीलाई निशुल्क स्वास्थ्य सेवा उपलब्ध गराउन गोरखा अस्पताल सँग नगरपालिकाले सम्झौता गरिसकेको छ ।

नागरिकता, लालपुर्जा, भोटिङ कार्ड, बसाइसराइ कागज वा नगरवासिको निस्सा खुल्ने प्रमाणका आधारमा कार्ड उपलब्ध गराइएको नगरपालिकाको स्वास्थ्य शाखाका जनस्वास्थ्य निरिक्षक निश्चल अर्यालले जानकारी दिए ।

नगरवासीका लागि काड वितरण जारी छ । ९८ प्रकारका औषधि र १८ प्रकारका ल्याव सेवा गोरखा नगरपालिकाका स्थानीयले निशुल्क प्राप्त गर्ने छन् । उत्त कार्यक्रमका लागि नगरपालिकाले गत आर्थिक वर्ष १५ लाख छुट्टाएको थियो ।

चालु आर्थिक वर्ष सोहि कार्यक्रम कार्यन्वयनका लागि ३० लाख वजेट छुट्टाइएको छ । स्वास्थ्य कार्ड पाएका नगरवासीले गोरखा अस्पतालको टिकट तथा स्वास्थ्य परीक्षण र औषधीहरु निशुल्क पाउने छन् । विरामिलाई उपचारमा लाग्ने खर्च गोरखा नगरपालिकाको कोषवाट अस्पतालाई उपलब्ध गराइने छ ।

अर्यालको अनुसार नगरपालिकाको योजना अनुसार डिजिटल कार्ड वितरण गर्ने तयारी गरिएको छ । तर हालको लागि स्वास्थ्य कार्डले नगरबासिलाई सेवामा सहजिकरण गर्ने उनले बताए । नगरपालिकाका बासिन्दाले ओपिडि र आकस्मिक टिकट पनि निःशुल्क पाउने छन् ।

जनरल बेडमा भर्ना हुनेलाई बेड चार्ज र भर्ना निःशुल्क उपलब्ध हुने छ । स्वास्थ्य विमा नगरेका नागरीकले उत्त सेवा लिन सक्ने छन । उत्त कार्यक्रमले आर्थिक अभावले उपचारबाट वञ्चित हुने वाध्यता हट्ने विश्वास लिइएको छ ।