गोरखाः शिक्षक÷कर्मचारी राजनितिक दलको कार्यकारीणी समितिको सदस्य रहेको पाइएमा कारवाही हुने भएको छ ।
शिक्षा विकास तथा समन्वय इकाइ गोरखाले सार्वजनिक सुचना प्रकाशित गर्दै सामुदायिक विद्यालयमा कार्यरत शिक्षक÷ कर्मचारीले विभिन्न राजनितिक दलको सदस्यता लिएको, कार्यकारिणी समितिमा रहेको तथा महाधिवेशन प्रतिनिधि भएको पाइएमा कारवाही गर्ने चेतावनी दिएको हो । कुनै दलमा शिक्षक÷कर्मचारी अवद्ध भएको भए सुचना उपलब्ध गराउन पनि भनिएको छ ।

शिक्षा, विज्ञान तथा प्रविधि मत्रालयको पत्रको आधारमा शिक्षा विकास तथा समन्वय इकाईले सुचना जारी गरेको हो । राजनितिक दलमा संलग्न शिक्षक, कर्मचारीहरुलाई शिक्षा ऐन २०२८ र शिक्षा नियमावली २०५९ को प्रावधान साथै उच्च अदालत पाटनको राजनीतिक दलसम्वन्धी ऐन २०७३ को दफा १४ तथा शिक्षा ऐन, २०२८ को दफा १६ ङ को उपदफा ५ को खण्ड छ बमोजिक उत्त निर्देशन दिइएको हो ।
यस्तै प्रकृतिका थप उजुरी निवेदनहरु आधारमा राजनितिक दलमा संलग्न शिक्षकलाई कारवाही गर्ने वैशाख ४ को मन्त्रीस्तरीय निर्णय अनुसार कार्यान्वयनका लागि समन्वय इकाईलाई भनिएको थियो । शिक्षा ऐन नियममा भएका अन्य प्रावधानहरुको समेत कोही कसैले उलङ्घन गरेको जानकारी भएमा सो को प्रमाणसहित इकाईमा जानकारी गराउन आग्रह गरिएको हो ।

शिक्षक वा कर्मचारीहरु राजनिति दलको सदस्य हुन नपाउने प्रावधान छ । उत्त निर्णय कार्यन्वनका लागि निर्देशन पनि आएको इकाईका प्रमुख सुवास आचार्यले बताए । हाल सम्म भने कुनै पनि शिक्षकको उजुरी आइनसकेको पनि इकाईले जनाएको छ ।