गोरखाः लार्के सडकको ३५ किलोमिटर ट्र¥याक खुलेको छ ।

हावाडाँडाबाट काम शुरु गरेको नेपाली सेनाले हाल पाङसिङ सम्मको ३५ किलोमिट सडकको ट्रयाक खोलिसकेको छ । पाङसिङ देखि न्याकफेदि सम्म चार किलोटिर ट्रयाक खोल्ने काम पनि भइरहेको जनाइएको छ । ट्र¥याक खुलेसँगै माछाखोलाबाट पाङसिङ सम्म जिप आवातजावात पनि शुरु भइसकेको छ । चालु आर्थिक वर्ष पाङसिङ देखि न्याकफेदि विचमा रहेका भिरमा ट्रयाक खोल्ने काम सक्ने नेपाली सेनाको सडक निर्माण कार्यदलका मेजर विनोद भट्टले जानकारी दिए । सडक स्तरोउन्नती र नयाँ ट्र¥याक खोल्नका लागि चालु आर्थिक वर्ष १० करोड रकम विनियोजन भएको थियो । नयाँ ट्र¥याक खोल्ने क्रममा कडा चट्टानहरु रहेकाले पनि विस्फोटक पदार्थको साहाराले ट्र¥याक खोलिएको हो । नयाँ ट्र¥याक खोल्ने काम सँगै सडक स्तरोउन्नती पनि गरिएको उनले बताए । न्याग्चेत, हावाडाडा, यारु लगायतको क्षेत्रमा सडक स्तरोउन्नतीको काम गरिएको उनले बताए । ‘चौडाइ नपुगेको ठाउँमा वढाएका छौ, केहि ठाउँमा टेवा पर्खाल पनि लगाउनुपर्ने छ,’ उनले भने । हावाडाडा देखि दोभान सम्मको १८ किलोमिटर सडक भने नेपाली सेनाले सडक विभागलाई हस्तान्तरण गरिसकेको छ । वेनिघाट–आरुघाट–लार्के सडक खण्ड अन्तरगतको सडकको हावाडाडाबाट दोभान सम्मको १८ किलोमिटर खण्डको भने ट्र¥याक खोलेर नेपाली सेनाले सडक विभागलाई हस्तान्तरण गरिसकेको छ । हावाडाडाँ देखि लार्के भञ्याङ सम्मको ९२ किलोमिटर सडकको ट्र¥याक खोल्ने जिम्मा नेपाली सेनाले पाएको हो । लार्के सडकको ट्र¥याक खुलेर जिप चल्न शुरु भएसँगै उपभोग्य सामाग्रीको ढुवानी भाडा सस्तीएको छ । उत्तरी क्षेत्रका स्थानीयवासीले खच्चड मार्फत अत्यावश्यक सामाग्रीको ढुवानी गर्दै आएका छन् ।