गोरखा ः गण्डकी गाउँपालिकाले तरकारी ढुवानीमा सहजताका लागि तरकारी ढुवानी साधन(ट्रक) हस्तान्तरण गरेको छ ।

गण्डकी गाउँपालिका–६ स्थित भैरवी कृषि सहकारी संस्था लिमिटेडलाई ढुवानी साधन उपलब्ध गराएको हो । चालु आर्थिक वर्षको संघीय विशेष अनुदान तर्फको बटेज अन्तरगत सहकारीको समेत २० प्रतिशत लागत साझेदारीमा ढुवानी साधन प्रदान गरिएको हो ।

भैरवी सहकारीले २० प्रतिशत साझेदारी अन्तरगत प्रत्येक शेयर सदस्यबाट ५ सय उठाएर ७ लाख साझेदारी गरेको छ । गाउँपालिकाको कृषि शाखाको प्राङगरिक खेती अनुदान कार्यक्रम अन्तरगत ८० प्रतिशत लगानी रहेको छ ।

आइतबार एक कार्यक्रमका विच गाउँपालिका अध्यक्ष दिपक तिमल्सीनाले ढुवानी साधन एक कार्यक्रमका विच सहकारीलाई हस्तान्तरण गरेका हुन् । उत्त ढुवानी साधनले वडा नम्वर ६ तथा असापसका किसानलाई उत्पादित तरकारी तथा बाली बजार सम्म पु¥याउन सहजता हुने अपेक्षा गरिएको छ ।

प्रभावकारी उपयोग तथा पारदर्शी खर्च प्रणाली र कृषकलाई राहत हुने गरि ढुवानी साधन संचालनका लागि पनि सहकारीलाई आग्रह गरिएको छ । उत्त साधन हस्तान्तरण सँगै तरकारी खेतीको पकेट क्षेत्रका किसानलाई ढुवानीमा सहज हुने अपेक्षा गरिएको छ ।