गोरखा ः चालु आर्थिक वर्षको १० महिनाको अवधिमा एक लाख ४ हजार ६ सय ३५ जनाले गोरखा संग्रहालयको अवलोकन गरेका छन् ।

संग्रहालयको अवलोकन गर्नेको संख्या वर्षेनी वढ्दै गएको छ । यस वर्ष ३३ हजार ८ सय ३५ विद्यार्थी, ६९ हजार दुइ सय ८० नेपाली, १ सय १० सार्क राष्ट्रका तथा १ हजार ३ सय ९२ विदेशीले गोरखा संग्राहलयको अवलोकन गरेका हुन् । वैशाख महिनामा मात्र ११ हजार ७ सय ७५ जनाले संग्राहालयको अवलोकन गरेका छन् ।

चालु आर्थिक वर्षको साउन महिनामा ६ हजार दुइ सय ४९, भदौमा ४ हजार ८ सय ४९, असोजमा ५ हजार ३ सय ९, कात्तिकमा १४ हजार तिन सय ८० आगन्तुकले संग्राहालयको अवलोकन गरे । संग्रहालयको तथ्याङ्ग अनुसार मंसिरमा १७ हजार ७ सय १, पौषमा १४ हजार १ सय ४०, माघमा नौ हजार तिन सय ९, फागुनमा १० हजार ५ सय ६५ र चैतमा १० हजार १ सय ९८ आगन्तुकले अवलोकन गरेका छन् ।

आगन्तुकको प्रवेश शुल्क, भाडा तथा क्यामेरा लगायतबाट १० महिनाको अवधिमा २३ लाख ६६ हजार चार सय ११ रुपैया राजस्व संकलन भएको छ । परम्परागत शैलीको सवैभन्दा कान्छो नमुनाको रुपमा रहेको संग्रहालय आउने आगन्तुकको संख्या वढदै गएको हो । संग्रहालय २०६५ देखि सर्वसाधारणको लागि खुल्ला गरिएको थियो ।

संग्रहालयको प्रदर्शनी कक्षमा नेपाल एकीकराण्को क्रममा प्रयोग भएका हातहतियार, द्रब्यशाह देखि पृथ्वीनारायण शाह सम्मका राजाहरुको जन्मकुण्डली, प्राचिन भाडावर्तन, विभिन्न जातजातिको डमी, तैलचित्र, पुष्पिका वाक्य, धार्मिक कक्षा प्रचीन वाजाहरु राखिएको छ । नेपाल राज्यको इतिहास अध्ययन गर्नेहरुको रोजगाइमा पनि संग्रहालय पर्ने गरेको छ ।