गोरखाः धार्चे गाउँपालिका–३ उहियाको यारु नजिकै सुख्खा पहिरो खसेको छ ।

वेनिघाट–लार्के सडक खण्ड अन्तरगत यारु नजिकै आइतबार दिउँसो सुख्खा पहिरो खसेको स्थानीय गणेश कार्कीले जानकारी दिए । सुख्खा पहिरोको कारण सडक अवरुद्ध छ । उत्त सडक भएर चुमनुव्री गाउँपालिकाका स्थानीय आवात जावात गर्दै आएका छन् ।

लार्के सडकको ट्र¥याक खुलेसँगै चुमनुव्री गाउँपालिकाको पाङसिङ सम्म सवारी संचालन हुन थालेको थियो । पहिरो वरपर नै सवारी साधन रोकिएका छन् । पहिरोले सडकको झण्डै १० मिटर क्षेत्र ढाकेको स्थानीयहरुले बताए ।

सडकबाट करिव ५ सय मिटर माथिबाट पहिरो खसेको कार्कीले जानकारी दिए । ‘चट्टान सहितको पहिरो खसेको छ, माथि डाडाँबाट पहिरो खस्दा केहि वेर धुलोले मुस्लो उडेको थियो,’ उनले भने ।

सडक सोमबार विहान सफा गर्ने नेपाली सेनाको वेनिघाट आरुघाट लार्के सडक निर्माण कार्यदलका मेजर विनोद भट्टले जानकारी दिए । ‘स्थलगत अध्ययन गर्छौ, चट्टान सहितको पहिरो खसेको भए पन्छाउन केहि समय लाग्छ,’ उनले भने ।