गोेरखा ः मोवाइल चोरी गरेको आरोपमा सिन्धुली घर बताउने २० बर्षिय कुमार मोक्तानलाई प्रहरीले पक्राउ गरेको छ ।
मंगलबार विहान करिव ३ वजे गोरखा नगरपालिका–८ चाइजिन धारामा शंकास्पद अवस्थामा भेटिएका आरोपितलाई खनतलासीको क्रममा मोवाइल लगायतका सामाग्री भेटिएको थियो । १२ थान मोवाइल, १ थान पावर ब्यान्क, २ थान स्प्किर, ८ थान नमस्तेको सिमकर्ड, १२ थान एनसेलको सिमकार्ड, ३ थान मोवाइल स्क्रिन ग्लास भेटिएको प्रहरीले जनाएको छ । सामान सहित नियन्त्रणमा रहेका मोक्तान सँग प्रारभ्भीक अनुसन्धानको क्रममा गोरखा नगरपालिका–६ स्थित प्रविण मोवाइल पसलबाट चोरी गरि ल्याएको खुलेको जनाइएको छ । चोरी घटनाको थप अनुसन्धान भइरहेको पनि प्रहरीले जनाएको छ ।