गोरखा ः बेनिघाट–आरुघाट–लार्के सडक खण्ड अन्तरगत आरुघाट गाउँपालिका स्थित अजुवा खोलामा निर्माणाधिन मोटरेवल पुलको ८५ प्रतिशत काम सम्पन्न भएको छ ।

अजुवा खोला पुल झण्डै ६ वर्ष देखि अलपत्र अवस्थामा रहेको थियो । पछिल्लो समय उत्त पुल निर्माणले गति लिएको छ । पुल सँगै पहुँचमार्ग पनि निर्माण अन्तिम चरणमा पुगेको गोरखा सडक योजनाका इन्जिनियर दिपक सुनारले जानकारी दिए ।

‘असार सम्म गाडी गुडाउने लक्ष्यका साथ काम भइरहेको छ,’ उनले भने,‘ निर्माणाधिन पुल नजिकै झोलुङ्गे पुल पनि छ, झोलुङ्गे पुल सार्नका लागि गाउँपालिकालाई पनि भनेका छौँ ।’ ५ करोड ११ लाखको लागतमा २५ मिटर लम्वाई र ११ मिटर चौडाइको पुल निर्माण गरिएको छ । पुल निर्माणका लागि २०७४ जेठमा कन्काई÷गोरखा एप्रोपियट जेभिले जिम्मा लिएको थियो ।

सम्झौता अनुसार २०७६ असार ३० भित्र पुल निर्माण सक्नुपथ्र्यो । समयमै पुल निर्माण नभएपछि पटक÷पटक म्याद थप भएको थियो । ‘कोभिड तथा टेक्निकल समस्यले पनि पुल निर्माणमा ढिलाई भएको थियो,’ उनले भने,‘पछिल्लो समम पुल निर्माणले गति लिएको छ ।’ उत्त पुल निर्माण भए उत्तरी गोरखा अन्तरगत धार्चे र चुमनुव्री गाउँपालिकाका स्थानीयलाई आवातजावातमा सहज वन्ने छ ।

समयमै पुल निर्माण नभएपछि यस अघि पनि पटक÷पटक स्थानीयले कामलाई गति दिन माग राख्दै आएका थिए । लार्के सडकको ट्रयाक खुलेसँगै हिउँदको वेला पाङसिङ सम्म जिप ट्याक्टर लगायतका सवारी चल्न थालेका छन् । उत्तरी गोरखा पुग्ने सडकको उत्त पुल निर्माण भए वर्खाको वेला पनि आउजाउमा सहज वन्ने अपेक्षा राखिएको छ ।