गोरखा ः गोरखा नगरपालिका–९ का ३८ जना कृषकलाई मकै छोडाउने मेसिन वितरण गरिएको छ ।

विहिबार वार्षिक कार्यक्रम अन्तरगत वडाको दुइ लाख ५० हजार बजेटबाट मेसिन खरिद गरि वितरण गरिएको वडा अध्यक्ष कुल बहादुर कुवरले बताए । किसानको ३५ प्रतिशत र वडाको ६५ प्रतिशत अनुदानमा मेसिन वितरण गरिएको हो । मेसिन वितरणले समयको बचत हुने, १० मुरि मकै एक घण्टामा छोडाउने सक्ने भएकाले सहज वन्ने अपेक्षा गरिएको छ । मेसिन विद्युबाट चल्ने छ । उनका अनुसार एउटा मेसिनलाई १० हजार मुल्यमा खरिद गरिएको हो । विहिबार एक कार्यक्रम विच गोरखा नगरपालिका प्रमुख कृष्ण बहादुर राना, उपप्रमुख मसली माया थोकर लगायतको उपस्थितिमा कृषकलाई मेसिन वितरण गरिएको थियो ।