गोेरखा ः धार्चे गाउपालिकाले सम्वन्धित वैकबाट सामाजिक सुरक्षा भक्ता लिनेको विवरण लिइ छानविन गरेको नपाइएको महालेखाको प्रतिवेदनले औल्याएको छ । महालेखा परिक्षकको कार्यालयले हालै सार्वजनिक गरेको ६१ औ प्रतिवेदनमा कार्यविधिमा ब्यवस्था भए बमोजिम सामाजिक सुरक्षा भक्ता पाइरहेका ब्याक्तिको मृत्यू भएको वा अन्य कारणले भक्ता प्राप्त गर्न योग्य नभएका ब्याक्तिको छानविन गरी भक्ता रकम फिर्ता दाखिला गर्नुपर्ने उल्लेख छ ।

पालिकाले आफ्नो कार्यक्षेत्र भन्दा वाहिरको कार्यालयका लागि वजेट ब्यवस्था गरी गरिएको खर्च मितब्यायी र वजेट प्रभावकारी नदेखिएको पनि प्रतिवेदनले औलाइएको छ । अस्थायी प्रहरी चौकि, प्रहरी चेक पोष्ट र तातोपानी संरक्षण तथा सम्वद्र्धन केन्द्र (साउण्ड सिस्टम खरिद) मा छुट्टाएको वजेट प्रभावकारीता माथि महालेखाले प्रश्न उठाएको हो । तालुक कार्यलयबाट वजेट ब्यवस्थापन हुने र पालिकालाई यस्तो खर्चले थप ब्ययभार वढ्दै जाने प्रतिवेदनमा उल्लेख छ ।

धार्चे गाउँपालिकाको ५८ लाख ३१ हजार वेरुजु देखिएको छ । ११ लाख ३५ हजारको प्रतिक्रिया प्राप्त भएमोमा सो उपर कारवाही भइ बाँकी बेरुजु र असुल गर्नुपर्ने १३ लाख ५४ हजार, प्रमाण कागजात पेश गर्नुपर्ने ३९ लाख ९२ हजार, नियमित गर्नुपर्ने १८ लाख ३९ हजार समेत गरि ५८ लाख ३१ हजार रहेको महालेखाको प्रतिवेदनमा उल्लेख छ । गाउँपालिकाको गतवर्ष सम्म ६ करोड १लाख ९५ हजार बेरुजु वाँकी रहेकोमा हाल सम्म अद्यावधि वेरुजु ६ करोड ७३ लाख ८१ हजार रहेको पनि प्रतिवेदनमा उल्लेख छ ।

सेनिटरी प्याड (वितरण तथा ब्यवस्थापन) कार्यविधि, २०७६को दफा ४ मा पालिकाले खरिद गरेको सेनिटरी प्याडा गुणस्तरमा कमि नआउने गरी भण्डारण गर्नुपर्ने उल्लेख छ । साथै दफा ५मा सेनेटरी प्याड त्रैमासिक, चौमासिक वा अर्धवार्षिक रुपमा वितरण गर्न सकिने उल्लेख छ । पालिका भित्रका सामुदायीक विद्यालयहरुमा कक्षा ६ भन्दा माथिका छात्रा विद्यार्थीलाई ८०७ जना रहेका छन् । पालिकाले प्यागोडा इन्टरनेशलनबाट १० हजार ६ सय ३७ थान सेनिटरी प्याड ८ लाख ५१ हजारमा खरिद गरेको थियो ।

पालिकाले १ देखि ५ सम्मका १३ विद्यालयलाई प्रति थान ८० रुपैयाका दरले १७ सय थान सेनिटरी प्याड वितरण गरेको पाइएको प्रतिवेदनमा उल्लेख छ । कक्षा ६ भन्दा माथिका छात्रालाई मात्र सेनिटरी प्याड वितरण गर्नु पर्नेमा कार्यविधि विपरित सेनेटरी प्याड वितरण नियम सम्वद नदेखिएको पनि प्रतिवेदनमा उल्लेख छ । त्यस्तै पालिकाले लाप्राक को वोर्डिङ स्कुललाई १५० थान प्याड हस्तान्तरण गरेको देखिएको पनि प्रतिवेदनमा उल्लेख छ । कार्यविधि विपरित वोर्डिङ स्कुललाई हस्तान्तरण गरेको प्रति प्याडको ८० का दरले रकम असुल गर्नुपर्ने पनि प्रतिवेदनले औल्याएको छ ।