गोेरखा ः बुढीगण्डकी जलविद्युत आयोजना वहुउदेश्यीय रुपमा अघि वढाउनुपर्ने नेपाल समाजवादी पाटीका अध्यक्ष तथा पुर्वप्रधानमन्त्री बावुराम भट्टराइले बताएका छन् ।
पार्टी प्रशिक्षण कार्यक्रमका लागि गोरखा आएका भट्टराइले शनिबार पत्रकार भेटघाट कार्यक्रममा वुढीगण्डकी विकास प्राधिकरण मार्फत आयोजना वन्नुपर्ने बताए । विद्युत प्राधिकरण वा त्यसको सहायक कम्पनी मार्फत आयोजना अघि वढाउँदा वहुउदेश्यीय आयोजनाको परिकल्पना संभव नहुने उनले बताए । बुढीगण्डकी विकास प्राधिकरण गठन गरि आयोजना अघि वढाउन सके यो राष्ट्रिय गौरवको आयोजना बन्ने उनको भनाइ छ । त्यस्तै केन्द्रमा हुने सरकार परिवर्तनको प्रभाव प्रदेशमा पनि पर्ने गरेको भन्दै भट्टराइले चिन्ता ब्यक्त गरे । यस्तो गलत परम्परा पुरानो दल र मुख्यतया प्रधानमन्त्री पुष्पकम दाहालले शुरु गरेको उनको आरोप छ । गण्डकी प्रदेशका नेपाल समाजवादी पार्टीका सांसद फणिन्द्र देवकोटालाई केन्द्रबाट निर्देशन दिएर कारवाही गरिएकोमा पनि उनले असन्तुष्टि जनाए । विधि, प्रक्रिया मिचेर देवकोटालाई प्रदेश सभाबाट निष्कासन गरिएको भन्दै उनले यस्तो गतिविधिले लोकतन्त्रमा ठुलो नोक्सान हुने बताए । त्यस्तै उनले प्रत्येक कुरामा दलिय भागवण्डा गरेर नेपाली राजनितिमा मजाक चलिहरहेको बताए । राज्य शक्तिको दोहन गर्नुलाई नै राजनितिको अभिष्ट ठान्ने प्रवृत्ती मौलाएर जानु खेदजनक रहेको उनले बताए । केन्द्र सरकारको पटक÷पटक फेरवदल, प्रदेश सरकारको फेरवदल र राजदुत जस्तो देशको प्रतिनिधित्व गर्ने ब्याक्तिहरुलाई सरकार फेरिने वित्तिकै फेर्ने र दलिय भागवण्डामा मान्छे पठाउने कुरा खेदजनक रहेको उनले बताए ।