गोरखा ः शहिदलखन गाउँपालिका–१ र २ जोड्ने राङ्दी खोलामा झोलुङ्गे पुल निर्माण भएको छ । ८८ मिटर लम्वाईको पुल निर्माण भएको हो ।

पुल निर्माण भएसँगै आउजाउमा सहज वनेको शहिद लखन(१ का वड अध्यक्ष प्रेम गुरुङले बताए । पक्की पुल नहुँदा यस अघि काठे पुलबाट स्थानीय आउजाउ गर्दै आएका थिए । पुल निर्माण भएसँगै शहिद लखन–१ र २ का वासिन्दालाई सहज वन्ने छ ।

बक्राङको कालथोक, बासगरा, भोक्टेनी, खहरे टोल लगायतका स्थानीयहरु पुलबाट आवत जावत गर्ने गरेका छन् । राङ्दी खोला पुल निर्माण उपभोक्त समिति गठन गरि गत फागुनबाट पुल निर्माण शुरु गरिएको थियो ।

आगमी असोज सम्म पुल निर्माण गर्ने लक्ष्य राखिएपनि तिन महिना अगावै निर्माण सम्पन्न भएको हो । पुल निर्माणका लागि गाउँपालिकाको १० लाख र वाँकी प्रदेश सरकारको लगानीमा पुल निर्माण भएको हो ।

‘बर्खाको बेला सवारी आउजाउ मुस्कील पर्छ, खोला वढ्दा वर्खाको वेला आउजाउमा पनि समस्या थियो, पुल वनेपछि अहिले आउजाउ सजिलो बनेको छ,’ उनले भने । यस अघि काठे पुलको यात्रा जोखिम रहेको उनलेब ताए । तनहुँको आवुँखैरेनी वजार लगायतका क्षेत्र आउजाउमा यस क्षेत्रका वासिन्दालाई सहज वन्ने उनले बताए ।