गोरखा ः विहिबार रातीको बर्षाद पछिको पहिरोले जिल्लाका विभिन्न ठाउँका घर गोठमा क्षती पु¥याएको छ ।

गोरखा नगरपालिका–९ डाँडा गाउँमा पहिरोले पुरेर १२ सय कुखुरा मरेका छन्न । प्रकाश थापाले संचालन गर्दै आएको फर्ममा पहिरो पस्दा दुइ हजार मध्ये १२ सय ब्रोइलर कुखुरा पुरिएर मरेको प्रहरीले जनाएको छ । त्यस्तै सिरानचोक गाउँपालिका–५ जरेबरका चित्र नगरकोटीको कच्ची गोठ पुरिएर क्षति पुगेको छ । गोरखा नगरपालिका–९ ठिगुरेस्वाँराका राम कुमार योगीको गोठ पुरिएको पनि प्रहरीले जनाएको छ । सोहि ठाउँका राजु गुरुङको घर पहिरोले जोखिममा परेको छ । शहिद लखन गाउँपालिका–७ सुखौराका अर्जुन थापा एक तले कच्ची घरमा पनि वाढी पसेर भाडावर्तन र १५÷१६ वटा कुखुरा वगाएको छ । त्यस्तै गोरखा नगरपालिका–५ मानेपानि वस्ने शर्मिला अछामीको घर माथिबाट आएको पहिरोले जोखिममा परेको छ । त्यस्तै सोहि ठाउँका रमेश सिर्मलको घर र दयाराम सार्कीको भान्सा पनि जोखिममा परेको छ । गोरखा नगरपालिका–९ को एक खाजा पसल पनि पहिरोले पुरेको छ । शहिद लखन गाउँपालिका–४ वाझोगराका वेद प्रसाद तिवारीको गोठ रुख ढलेर क्षति पु¥याएको पहरीले जनाएको छ । शहिद लखन गाउाँपलिका चालिसेमा गोठ तथा गोरखा नगरपालिका–८ सिमल गैराका किसान नेपालीको घर आगनमा पनि पहिरोले क्षति पु¥याएको प्रहरीले जनाएको छ । गोरखा नगरपालिका–८ आमडाडा्रँ स्थित सिम्लेचौरका देवि रानाले संचालन गर्दै आएको पशुपन्छि तथा कृषि फर्ममा पनि आंशिक क्षती पुगेको प्रहरीले जनाएको छ । त्यस्तै गोरखा–आवुँखैरेनी सडक खण्ड अन्तरगत गोरखा नगरपालिका–९, १२ र १३ मा खसेको पहिरो पन्छाएपछि शुक्रबारबाटै सडक संचालनमा आएको छ । घैरुङ–गोरखा सडक खण्ड अन्तरगत शहिद लखन गाउँपालिका–६ खगी, गोरखा आरुघाट सडक खण्ड अन्तरगत गोरखा नगरपालिका–२ गरापानी, राइनस–जुम्लीचौतारा अन्तरगत शहिद लखन गाउँपालिका–४ रातमोटेमा खसेको पहिरो पनि पन्छाइएको छ ।