गोरखा ः चुमनुव्री गाँउपालिका–६ चुम्चेतमा प्रहरी चौकि स्थापना गरिएको छ ।
यस अघि नै प्रहरी चौकि सहित दरवन्दि रहेपनि वस्ने ठाउँ अभावमा चौकि स्थापना हुन सकेको थिएन । वडा कार्यालयले प्रहरी चौकिका लागि वस्ने ठाउँको ब्यवस्थापन गरेसँगै प्रहरी चौकि स्थापना गरिएको हो । असार २२ गते स्थापना भएको प्रहरी चौकिमा प्रहरी हवल्दारको कमाण्डमा ५ जनाको टोली खटिएको जिल्ला प्रहरी कार्यालय गोरखाका डिएसपी रमेश कुमार श्रेष्ठल जानकारी दिए । प्रहरी चौकि स्थापना पछि सुरक्षा गस्ती तथा प्रकोप लगायतका घटनाका सुचना संकलनमा पनि सहज वन्ने अपेक्षा गरिएको छ । यस अघि चुमनुव्री–३ को फिलिम र वडा नम्वर ७ को छेकम्पारमा प्रहरी चौकि रहेको थियो । सिर्दिवास र छेकम्पारको विचको क्षेत्र चुम्चेतमा प्रहरी चौकि स्थापनाको पनि माग हुदै आएको थियो ।