गोरखा ः भिमसेन थापा गाउँपालिकाले वुधबार सार्वजनिक विदा दिएको छ ।

भिमसेन थापाको २५० औँ जन्मजयन्तीको अवसरमा सार्वजनिक विदाई दिइएको सोमबार सार्वजनिक सुचना जारी गरि जानकारी गराइएको छ । उत्त दिन गाउँपालिका भित्रका सरकारी कार्यालय, संघ संस्थाहरुमा सार्वजनिक विदा दिने निर्णय भएको सुचनामा उल्लेख छ । असार २७ गतेको गाउँकार्यपालिका वैठकबाट निर्णय गराएर सार्वजनिक विदा दिइएको हो । उत्त दिन भिमसेन थापा गाउँपालिका–८ चण्डीथोकमा अवस्थित भिमसेन थापाको शालिकमा माल्यार्पण लगायतका कार्यक्रमको पनि तय गरिएको छ । त्यस्तै गाउँपालिका परिसरमा रहेको शहिद वाटिका( शहिद स्तभ्भ,वेपक्ता स्तभ्भ, भिमसेन थापा स्तभ्भ) अनावरण कार्यक्रमको पनि आयोजना गरिएको छ । उत्त कार्यक्रमहरुमा उपस्थितिका लागि पनि गाउँपालिकाले आग्रह गरेको छ ।