गोरखा ः जिल्लामा जवरजस्ती करणी, जवरजस्ती करणी उद्योग र बाल यौन दुरुपयोगका घटना वढेको छ । गत आर्थिक वर्ष २०८०÷०८१ को एक वर्षको अवधिमा यौन जन्य हिंसाका ३७ वटा घटना प्रहरीमा दर्ता भएको छ ।

जवरजस्ती करणीका २४, जवरजस्ती करणी उद्योगका ६, बालयौन दुरुपयोगको ७ वटा मुद्धा एक बर्षको अवधिमा दर्ता भएको जिल्ला प्रहरी कार्यालयको तथ्याङ्गमा उल्लेख छ । यौनजन्य हिंसाका घटनाबाट चिनेजानेका आफन्त, छिमेकी बाट महिलाहरु पिडित वनेका छन् । पछिल्लो समय सचेतनामुलक कार्यक्रमले पनि हिंसाका घटना दर्ता हुने दर वढेको प्रहरीले जनाएको छ । त्यस्तै गत आर्थिक बर्ष वैकीङ कसुरको ४३ वटा मुद्धा दर्ता भएको छ । वैकिङ कसुरको ४३ मध्ये २१ वटा फस्यौट भएको २२ वटा वाँकी रहेको जिल्ला प्रहरी कार्यालय गोरखाका डिएसपी रमेश कुमार श्रेष्ठले जानकारी दिए । त्यस्तै गत आर्थिक वर्ष वहुविवाहको ९ वटा मुद्धा दर्ता भएको थियो । आत्महत्या गर्न दुरुत्साहन गरेको आरोपमा गत आर्थिक वर्ष दुइ वटा मुद्धा दर्ता भएको थियो । दुइ वटाकै फस्यौट भएको उनले बताए । गत आर्थिक वर्ष झुण्डिएर ६४ जनाको मृत्यू भएको छ । विष खाएर १ जना र पानीमा डुवेर ६ जनाको मृत्यू भएको छ । नकवजनी चोरी ६, साधारण चोरी १४, जुवा खेल्न वा सट्टावाजी गर्न नहुने र ठगीको १÷१, लागुऔषध ३, दोहोरो राहदानीको ४ वटा मुद्धा दर्ता भएको थियो । त्यस्तै सार्वजनिक शान्ति विरुद्धको कसुरमा १३, सार्वजनिक हितमा ४६, दोहोरो नागरिकताको ९ वटा मुद्धा दर्ता भएको छ । दोहोरो नागरिकता मुद्धाको ५ वटा फर्छौट भएको छ भने ४ वटा वाँकी रहेको उनले बताए । जिल्ला प्रहरी कार्यालयमा गत आर्थिक वर्ष दर्ता भएको ३ सय ३१ मध्ये १६८ मुद्धाको फर्छौट भएको छ । गत आर्थिक वर्ष ३६ महिला र २ सय ४८ पुरुष गरी दुइ सय ४ जना प्रतिवादी पक्राउ परेका थिए । कर्तब्य ज्यान अन्तरगत ४ वटा मुद्धा दर्ता भएकोमा दुइ वटा फछ्यौट भएको र दुइ वटा वाँकी रहेको छ । ज्यान मार्ने उद्योगको ७ मध्ये ६ वटा फर्छौट भएको छ । भवितब्य ज्यानको ३४ र फुटकर ज्यानको १६ मुद्धा दर्ता भएकोमा सवै वाँकी रहेको छ । सवारी ज्यानको ४, सवारी भवितब्य ज्यानको १, विद्युतिय कसुर तथा साइवर अपराध, मानव वेचविखन तथा ओसार पसार उद्योगको १÷ १, अपराधिक उपद्रवको २ वटा मुद्धा दर्ता भएको थियो । गत आर्थिक वर्ष दर्ता भएको ३ सय ३१ मध्ये १६ मुद्धाको फर्छौट भएको र १ सय ६३ वटा वाँकी रहेको डिएसपी श्रेष्ठले जानकारी दिए ।