गोरखा ः खाद्य ब्यवस्था तथा वजार कम्पनी लिमिटेड अन्तरगतको माछाखोला डिपो हटाइएको छ ।

लार्के सडकको ट्र¥याक खुलेसँगै सवारी चल्न थालेपछि माछखोलामा खाद्यको भन्दा वजारको चामलको मुल्य सस्तो परेको थियो । चालु आर्थिक वर्षका लागि कम्पनीको प्रधान कार्यालयले चामल ढुवानीका लागि ठेक्का आह्वान भएको सुचिमा माछाखोला डिपोको नाम समावेश छैन । झण्डै तिन दशक अघि स्थापना भएको माछाखोला डिपोमा सडक सञ्जाल विस्तार नहुँदा चार वर्ष अघि सम्म चामल विक्रि हुदै आएको थियो । सडक सञ्जाल विस्तार भएपछि भने हाल चामल विक्रि दर घटेको थियो । गत आर्थिक वर्ष वर्ष ५ सय क्वीटल चामलको कोटा माछाखोला डिपोका लागि छुट्टाइएपनि ९५ क्वीन्टल मात्र विक्री भएको थियो । माछाखोला डिपोबाट धार्चे गाउँपालिका अन्तरगतको लापु, गुम्दा,केरौजा, चुम्चेत लगायतका क्षेत्रमा चामल विक्रि हुदै आएको थियो । सडक संजाल विस्तार भएपछि खाद्यको भन्दावजारकै चामलमा स्थानीयले रुचि देखाएपछि ग्रामिण क्षेत्रमा पुगेर चामल विक्रि गर्ने प्रयास पनि थालिएको थियो । उत्त क्षेत्रमा चामल आवश्यक परेको अवस्थामा कम्पनीको गोरखा शाखाको गोदामबाट ब्यवस्थापन गरिने कम्पनी गोरखा शाखाका सुचना अधिकारी शिव सुनारले जानकारी दिए । माछाखोला डिपोमा छुट्टिने ५ सय क्वीन्टल चामल मध्ये दुइ सय ५० क्वीन्टल चामल चुम्लीङ र २५० क्वीन्टल चामल नामरुङमा थप गरिएको छ । चालु आर्थिक वर्ष चुम्लीङमा ७ सय ५० र चुमलीङमा ७ सय ५० क्वीन्टल चामल ढुवानीका लागि ठेक्का लागेको छ । गत वर्ष विक्रि केन्द्र स्थापना भएको चुम्लीङ र नाम्रुङमा ५÷५ सय क्वीन्टल मात्र चामलको कोटा छुट्टीएको थियो ‘दुइ विक्रि केन्द्रमा कोटा अनुसारको चामलले पुगेन भन्ने कुरा पनि भयो, माछाखोलाको कोटा माथि स्थानान्तरण भएको छ,’ उनले भने । चालु वर्ष सिर्दिवास डिपोका लागि विमलनगरबाट १ हजार र गोरखा शाखाबाट एक हजार गरि दुइ हजार क्वीन्टल चामलको कोटा निर्धारण भएको छ । धान खेती नहुने उत्तरी क्षेत्रमा सरकारले ढुवानी अनुदानमा खाद्यको डिपो मार्फत चालम विक्रि गर्दै आएको छ ।