गोरखा ः प्रथम जिल्ला स्तरीय मेयर कप कराँते प्रतियोगीता हुने भएको छ । नेपाल कराते महासंघको आयोजनामा आगामी भदौ २२ गते प्रतियोगीता हुन लागेको हो ।

कराते खेलको विकास र खेलाडीहरुको प्रतिभा प्रष्फुटन गर्ने उदेश्यले प्रतियोगीताको आयोजना गरिएको नेपाल कराते महासंघ, गोरखाका अध्यक्ष राम वहादुर थापाले बताए । प्रतियोगिता संचालनका लागि ६ लाख ५५ हजार ५ सय रुपैया खर्च लाग्ने अनुमान गरिएको छ । पुरुष तर्प २०, २५, ३०, ३५, ४०, ४५, ५० र ५५ तौल समुह तथा महिला तर्फ ३५, ४०, ४५, ५० र ५५ तौल समुहमा खेल खेलाइने छ । प्रतियोगीतामा पहिलो वन्ने प्रतियोगीलाई १५ सय, दोस्रो वन्नेलाई एक हजार र तेस्रो वन्ने प्रतियोगीलाई ५ सय पुरस्कारको ब्यवस्था गरिएको छ । जिल्लाको ११ वटै पालिकाबाट खेलाडीहरु सहभागी रहने आयोजकले जनाएको छ । प्रतियोगीतामा ७५ देखि ८० जना सम्म खेलाडीले सहभागी वन्ने लक्ष्य राखिएको छ । सोहि कार्यक्रमको अवसर पारेर राष्ट्रिय खेलमा सहभागी वनी उत्कृष्ट प्रदर्शन गरेका कराते खेलाडीलाई सम्मान गर्ने कार्यक्रम पनि तय गरिएको छ । जिल्लामा २०५० सालबाट कराते खेलको प्रशिक्षण हुँदै आएको छ । प्रतियोगीता संचालनका लागि खेल सामाग्री खरिदका लागि ५० हजार, ब्याग डमीका लागि ६० हजार र म्याट खरिदका लागि दुइ लाख लाग्ने अनुमान गरिएको छ । प्रतियोगिता संचालनका लागि आवश्यक रकम जुटाउने काम पनि भइरहेको आयोजकले जनाएको छ ।