गोरखा ः पृथ्वीनारायण साना शहरी खानेपानी तथा सरसफाई उपभोक्ता संस्थाले खानेपानीको महसुल घटाएको छ ।

यहि साउनबाट लागु हुने गरि महसुल घटाएको हो । साउन १५ गतेको कार्य समितिको वैठबाट निर्णय गराएर महसुल रकम घटाएको संस्थाका शुसिल अर्यालले जानकारी दिए । यस अघि ६ युनिट सम्मको दुइ सय ५० रुपैयाँ महसुल रहेकोमा घटाएर दुइ सय रुपैयाँ कायम गरिएको छ । यस अघि ७ देखि १० युनिट सम्मको ४ सय रुपैयाँ रहेकोमा घटाएर ३ सय, ११ देखि २० युनिट सम्मको प्रति युनिट ८० रहेकोमा साउनबाट लागु हुने गरि ६०, २१ देखि ३० युनिट सम्मको प्रति युनिट १ सय ५० रहेकोमा घटाएर एक सय रुपैयाँ, ३० युनिट देखि माथि यस अघि दुइ सय रहेकोमा घटाएर १५० रुपैयाँ कायम गरिएको छ । संस्थाले गत वर्ष पनि महसुल घटाएको थियो । सदरमुकाम क्षेत्रमा खानेपानी वितरण गर्दै आएका संस्थाको १३ सय ८५ ग्राहक छन् ।