कुल जनसंख्या मध्ये ४५.५३ प्रतिशत नागरिक स्वास्थ्य विमामा आवद्ध वनेका छन्

गोरखा ः गोरखाको कुल जनसंख्या मध्ये ४५.५३ प्रतिशत नागरिक स्वास्थ्य विमामा आवद्ध वनेका छन् ।

स्वास्थ्य विमा वोर्ड गण्डकी प्रदेश, सम्पर्क शाखा कार्यालय गोरखाका अनुसार एक लाख १४ हजार ७ सय ६३ जना स्वास्थ्य विमामा आवद्ध वनेका छन् । २० हजार ५ सय ४० परिवार, ७ सय ९८ ‘क’ वर्गका अपाङ्गता भएका, १८ हजार ३५ जेष्ठ नागरिक गरी एक लाख १४ हजार ७ सय ३३ जना अवद्ध वनेको स्वास्थ्य विमा वोड जिल्ला कार्यालय गोरखाका प्रमुख विशाल लौडारीले जानकारी दिए । ‘क’ वर्गका अपाङ्गता भएका र जेष्ठ नागरिकको निशुल्क स्वास्थ्य विमा गरिएको उनले बताए । २०७४ असार १५ बाट जिल्लामा स्वास्थ्य विमा कार्यक्रम शुरु भएको थियो । गोरखा नगरपालिका ५ हजार ६ सय ४१ परिवार, ‘क’ वर्गको अपाङ्गता १ सय ४५, जेष्ठ नागरिक ३ हजार तिन सय ११ गरि २८ हजार चार सय २६ विमित सदस्य संख्या रहेको उनले बताए । पालुङटार नगरपालिकामा ४ हजार ५ परिवार संख्या रहेकोमा ‘क’ वर्गको अपाङ्गता भएका ९१, जेष्ठ नागरिक ३ हजार दुइ सय ७६ गरी २० हजार ६ सय ३१ विमित सदस्य रहेका छन् । आरुघाट गाउँपालिकामा १ हजार आठ सय ४१ परिवार संख्या तथा ‘क’ वर्गको अपाङ्गता भएका ६८ र जेष्ठ नागरिक १ हजार सात सय ३४ गरि १० हजार २ जना, शहिद लखन गाउँपालिकामा १ हजार नौ सय ३० परिवार संख्या, ‘क’ वर्गका अपाङ्गता भएका ८५ र जेष्ठ नागरिक दुइ हजार तिन सय ६ गरी १० हजार ५ सय ६३ विमित सदस्य रहेको शाखा कार्यालय गोरखाले जनाएको छ । भिमसेन थापा गाउँपालिकामा १ हजार नौ सय ६२ परिवार, ‘क’ वर्गका अपाङ्गता भएका ९८ तथा जेष्ठ नागरिक दुइ हजार एक सय ६६ गरि १० हजार पाँच सय २० विमित सदस्य, अजिरकोट गाउँपालिकामा ६ सय ८ विमित परिवार, ‘क’ वर्गको अपाङ्गता भएका २२, जेष्ठ नागरिक ८ सय ७९ गरी ३ हजार १ सय १, बारपाक सुलिकोट गाउँपालिकामा दुइ हजार १ सय ४ परिवार, ‘क’ वर्गको अपाङ्गता भएका ६०, जेष्ठ नागरिक १ हजार आठ सय ५८ गरी ९ हजार ६ सय ६४ विमित सदस्य रहेका छन् । त्यस्तै सिरानचोक गाउँपाकिलामा २ हजार तिन सय ६ परिवार संख्या, ‘क’ वर्गको अपाङ्गता भएका १ सय ३३, जेष्ठ नागरिक १ हजार ९ सय ५० गरि ११ हजार आठ सय ६९, गण्डकी गाउँपालिकामा १ हजार दुइ सय ५ परिवार संख्या, ‘क’ वर्गको अपाङ्गता भएका ७८, जेष्ठ नागरिक १ हजार ६ सय ८० गरि ६ हजार नौ सय ३२ जना विमित सदस्य रहेका छन् । धार्चे गाउँपालिकामा ३ सय ७४ परिवार संख्या, ‘क’ वर्गको अपाङ्गता भएका १७, जेष्ठ नागरिक ५ सय ७१ गरि दुइ हजार ७७ जना, चुमनुव्रीमा दुइ सय ४५ परिवार संख्या, ‘क’ वर्गको अपाङ्गता भएका १, जेष्ठ नागरिक ३८ गरी ८ सय १८ जना विमित सदस्य रहेका छन् ।