लोकमार्ग करिडोर लक्षित मासु उत्पादनका लागि बाख्रा विकास कार्यक्रम अन्तरगत मात्र दुइ करोड वजेट

गोरखा ः भेटेरिनरी अस्पताल तथा पशु सेवा विज्ञ केन्द्रको चालु आर्थिक वर्ष ६ करोड ४२ लाख १० हजार वजेट कार्यन्वयन गर्ने भएको छ ।

सोमबार चालु आर्थिक वर्ष २०८१÷०८२ को बार्षिक स्वीकृत कार्यक्रम सार्वजनिक कार्यक्रममा पुँजीगत तर्फ ११ लाख ८० हजार, प्रशासनीक चालु तर्फ एक करोड ३४ लाख ६६ हजार, कार्यक्रम तर्फ ४ करोड ८५ लाख ६४ हजार रहेको जानकारी गराइएको छ । लोकमार्ग करिडोर लक्षित मासु उत्पादनका लागि बाख्रा विकास कार्यक्रम अन्तरगत मात्र दुइ करोड वजेट छुट्टाइएको छ । उत्त कार्यक्रम अन्तरगत खोर निर्माण, सुधारमा सहयोग, घुम्ती स्थलगत तालिम, कृषि समुह गठन, पकेट क्षेत्र स्थापना गरि ब्याड वोका वितरण तथा आठ वटा वाख्राको स्रोत केन्द्र निर्माण हुने छ । त्यस्तै खसि पार्ने साँचो वितरण, घाँस स्रोत केन्द्र तथा नर्सरी उत्पादन सहयोग कार्यक्रम पनि हुने छ । मध्यपहाडी लोकमार्ग करिडोर लक्षित बाख्रा विकास कार्यक्रममा मात्र झण्डै दुइ करोड १२ लाख विनियोजन गरिएको हो । त्यस्तै पशु स्वास्थ्य कार्यक्रम अन्तरगत नियमित उपचार सेवा, प्रयोगशाला सेवा, मत्स्य स्वास्थ्य घुम्ति शिविर, पशुपन्छिको प्रमुख रोगकहरुको निदानका लागि ¥यापिड टेस्ट किट खरिद, पशुपन्छिको रोग सर्भिलेन्स नमुना संकलन परिक्षण तथा प्रेषण, आकस्मीक रोग नियन्त्रण लगायतका कार्यक्रम चालु आर्थिक वर्ष हुने छ । पशु स्वास्थ्य तथा बाझोपन निवारण घुम्ती शिविर, घोडा÷खच्चडमा स्वास्थ्य तथा वन्ध्याकरण शिविर, रेविज रोग नियनन्त्रणका लागि बिशेष कार्यक्रम अन्तरगत सामुदायीक तथा घरपालुवा कुकुर विरालो वन्ध्याकरण लगायतका कार्यक्रम हुने छ । उत्त कार्यक्रमका लागि २५ लाख विनियोजन भएको छ । त्यस्तै पशु प्रजनन तथा नश्ल सुधार कार्यक्रम अन्तरगत कृत्रिम गर्भाधान सेवा संचालनका सामाग्री खरिद तथा लजिष्टिक सपोट, तरल नाइट्रोजन खरिद तथा ढुवानी ब्यवस्थापन कार्यक्रम हुने छ । शुसासन तथा पारदर्शी प्रवद्र्धन कार्यक्रम पशुपन्छि तथा मत्स्य प्रवद्र्धन कार्यक्रम, पशुमा पुर्ण खोप कार्यक्रम, क्षमता अभिवृद्धि लगायतका कार्यक्रम हुने छन् ।