गोरखाः गोरखा नगरपालिका–६ हरमटारी स्थित रंगसालामा सेभेन ‘ए’ साइड प्रथम ¥याम्बो कप फुटबल प्रतियोगिता सुरु भएको छ । युनाईटेड सेभेन युथ क्लवको आयोजनामा भएको प्रतियोगिताको पहिलो दिन शनिबारबा चार खेल सम्पन्न भएको छ ।

शनिबार खुल्ला पुरुष तर्फ भएको पहिलो खेलमा सतिपिपल युवा क्लवलाई ४–० को गोल अन्तरले युनाईटेड सेभेन युथ क्लव यू–१७ विजय बनेको छ । दोस्रो खेल छपालि सांस्कृतिक युथ क्लव र हरमटारी युथ क्लव विच भएको खेलमा ३–० गोल अन्तरले छपालि सांस्कृतिक युथ क्लव विजय बनेको छ । त्यस्तै महिला तर्फ पहिलो लिग चरणको प्रतियोगितामा हिल्दी फिल्डर्स गोरखा र युनाईटेड सेभेन युथ क्लव विच भएको खेल वरावरीमा गइ १–१ अंक बाडिएको क्लवका अध्यक्ष श्याम आलेले बताए । त्यसै गरि ३३ वर्ष माथि भेटूान्स अन्तर गतको खेलमा भने सेभेन स्टार र डिपिओ गोरखा विच भएको खेलमा ३–० गोल अन्तरले सेभेन स्टार विजय बनेको छ । खुल्ला पुरुष फुटबल प्रतियोगितामा पहिलो हुने टिमले ५० हजार नगदका साथमा टूफी,मेडल र प्रमाणपत्र प्राप्त गर्ने आलेले बताए । त्यस्तै दोस्रो हुनेलाई २५ हजार नगदका साथमा टूफी,मेडल र प्रमाणपत्र प्राप्त गर्ने उनले बताए । त्यस्तै विविध पुरस्कार अन्तरगत उत्कृष्ट खेलाडीलाई दुइ हजार, उत्कृष्ट गोलरक्षक र सर्वाधिक गोलकर्तालाई एक हजार ५ सय प्राप्त गर्ने आलेले बताए । महिला तर्फ भने पहिलो हुने टिमलाई ५ हजार नगद पुरस्कार दिइने आयोजकले बताए । त्यस्तै ३३ बर्ष माथि पहिलो हुनेलाई १७ हजार बराबरको बोका दिइने आलेले बताए । प्रतियोगीतामा २५ देखि ३० टिमको सहभागीता जनाउने आयोजकले जनाएको छ ।