एक महिनाको अवधिमा १५२ जनामा डेंगुको संक्रमण
गोरखा ः छिमेकी जिल्ला तनहुँको आँवुखैरेनीमा ब्यपाक रुपमा फैलिएको डेंगीको प्रभाव गोरखामा पनि देखिएको छ । आवुखैरेनी नजिकैको शहिद लखन गाउँपालिका–१ शेरावेशीमा डेंगी फैलिएको स्वास्थ्य कार्यालय गोरखाले जनाएको छ ।

स्वास्थ्य कार्यालयले शहिद लखन गाउँपालिका सँग समन्वय गरि साउन २९ गते १२ जनाको डेंगु परिक्षण गर्दा शेरावेसिका ६ जनामा पोजेटिभ रिपोट आएको छ । डेंगीको सक्रमण बढ्दो क्रममा रहेकाले स्थानीय तहमा सजकता अपनाउनका लागि आग्रह गरिएको छ । जिल्लामा साउन देखि यता १५२ जनामा डेंगुको संक्रमण पुष्टि भएको छ । जिल्लाको ११ वटा स्थानीय तह मध्ये सवै भन्दा वढी गोरखा नगरपालिकामा ८५ जनामा डेंगुको संक्रमण पुष्टि भइसकेको छ । पालुङटार नगरपालिकाको ३३, शहिद लखन गाउँपालिकाको ९, अजिरकोट र गण्डकी गाउपालिकाको २÷२ जना, बारपाक सुलिकोटको १ र आरुघाट गाउँपालिकाको २० जनामा डेंगुको संक्रमण पुष्टि भएको हो । सिरानचोक, धार्चे र चुमनुव्री गाउँपालिकामा भने डेंगुको संक्रमण नदेखिएको स्वास्थ्य कार्यालयको तथ्याङ्कले देखाउँछ । डेंगी नियन्त्रणका लागि गोरखा नगरपालिकाको आयोजना तथा स्वास्थ्इ कार्यालयको सहयोगमा गोरखा नगरपालिका(७ छिपिटोल लगायतका क्षेत्रमा अभिमुखिकरण गरिएको थियो । केहि पालिकाले लामखुट्टेको लार्भा खोज र नष्ट गर अभियान पनि शुरु गरेका छन् ।