गोरखा ः गोरखा नगरपालिका–६ हरमटारी स्थित खेलकुदमैदानमा भएको सेभेन ‘ए’ साइड प्रथम ¥याम्बो कप फुटबल प्रतियोगिताको सेमिफाइनल र फाइनल खेल शुक्रबार (आज) हुने भएको छ ।

युनाईटेड सेभेन युथ क्लवको आयोजनामा भएको प्रतियोगिताको खुल्ला तर्फ ५ र भेट्रान्स तर्फ १ खेल सम्पन्न भएको क्लवका अध्यक्ष श्याम आलेले बताए । बिहीबार खुल्ला पुरुष तर्फ रिपुमर्दन गण र जेटि टिम विच भएको खेलमा १–० गोल अन्तरले जेटि टिम विजय बनेको छ । क्वाटर फाइनलमा द हिमालयन आरुघाट र तोमोदाची इन्स्टिच्युट विच भएको दोस्रो खेल २–० गोल अन्तरले द हिमालयन आरुघाट विजयी वन्दै सेमिफाइनल पुगेको क्लवका अध्यक्ष श्याम आलेले बताए । त्यस्तै युनाईटेड सेभेन (वि) र जरेबर एफसि विच भएको खेल १–० गोल अन्तरले युनाईटेड सेभेन (वि) विजय बन्दै सेमिफाइन पुगेको छ । जेटि टिम र छापेली सास्कृतीक एफसि विच भएको खेलमा १–० गोल अन्तरले जेटि टिम विजय बन्दै सेमिफाइनल पुगेको छ । त्यस्तै प्रतियोगितामा अन्तम खेल तिन धारे एफसि र युनाईटेड सेभेन यू–१७ विच भएको खेलमा पेनाल्टीमा तिनधारे एफसि बिजयी बन्दै सेमिफाइनल पुगेको छ । आज(शुक्रबार) द हिमालयन आरुघाट र तिनधारे एफसि सेमिफाइनल, जेटि टिम र युनाईटेड सेभेन (वि) सेमिफाइनल खेल खेल्ने आलेले बताए । भेट्रान्स तर्फ भने आज खोप्लाङ एफसि र हरमटारी क्लव फाइनल खेल खेल्ने छन् । पहिलो हुने टिमले भने १७ हजार बराबरको बोका पुरस्कार पाउने आयोजकले जनाएको छ ।