गोरखा ः “मानवतालाइ जिवित राखौं” भन्ने मुल नारा सहित नेपाल रेडक्रस सोसाइटी गोरखा शाखाले नेपाल रेडक्रसको ६२ औं स्थापना दिवस विविध कार्यक्रम गरि मनाएको छ । दिवसको अवसरमा जिल्लामा जिल्ला शाखाको सहयोग तथा उपशाखाको आयोजनामा विविध कार्यक्रम भएको हो ।

रेडक्रस गोरखा शाखाले आरुघाटमा रहेको लक्ष्मीनारायण धाम वुढिगण्डकी वृद्धाश्रममा ७ जना वृद्धवृद्धा र ४ जना कामदार कर्मचारीको लागि विविध सामाग्री वितरण गरेको छ । २२ थान कम्मल, ११÷११ वटा बाल्टी र जग, २२ वटा सावुन, २५ किलोको दुइ वोरा चामल, ५÷५ केजी दाल र चिनि, २ प्याकेट विस्कुट वितरण गरेको छ । करिव ४५ हजार वरावरको सामाग्री गोरखा शाखाका सभापति भिमसेन काजी बानियाले हस्तान्तरण गरे । त्यस्तै नेपाल रेडक्रस सोसाइटी ताप्ले उपशाखाको आयोजनामा महिला पुरुषको रिले दोड प्रतियोगिता सम्पन्न भएको छ । पुरुष तर्फ ४ किलोमिटर दौडमा १४ मिनेट २६ सेकेण्डमा निर्धारीत दुरी पार गरि सागर भट्टराइ पहिलो भएका छन् । त्यस्तै महिला तर्फको दुइ किलोमिटर दौडमा १३ मिनेट ४० सेकेण्डमा निर्धारीत दुरी पार गरि जवेधा खातुन पहिलो वनेकी छिन् । उपशाखा सभापति टिका वोगटीको अध्यक्षतामा भएको कार्यक्रममा जिल्ला शाखाका सभापति वानिया, वडा अध्यक्ष रहम तुल्ला मिया, रेडक्रस जिल्ला उपकोषाध्यक्ष कुमार वानिया, रेडक्रस जिल्ला सदस्य वासुदेव भट्ट लगायतको सहभागीता रहेको थियो । त्यस्तै गोरखकाली उपशाखले जिल्ला शाखा अन्र्तगत रहेका २३ वटै उपशाखालाई समावेश गरी “विपद् व्यवस्थापन र डेंगी सम्वन्धी सचेतना अभिमुखिकरण कार्यक्रम” गरेको छ ।उपशाखाका सभापति टेक वहादुर थापा मगरको अध्यक्षतामा भएको कार्यक्रममा गोरखा नगरपालिकाका उपमेयर मसलीमाया थोकर, ससस्त्रका प्रहरि निरिक्षक भाष्कर वस्नेत लगायतको सहभागीता रहेको थियो । त्यस्तै जुनियर÷यूवा रेडक्रस सर्कल संसारी महेन्द्र मा.वि. ले रेडक्रस स्थापना दिवशको अवसरमा सिरानचोक गाउपालिकाका १७ विद्यालयका १ जना शिक्षक र २ जना छात्र÷छात्रा गरी ५१ जनाको उपस्थितिमा प्राथमिक उपचार सिकाई अभिमुखिकरण कार्यक्रम गरेको छ । जुनियर÷युवा सर्कलका अध्यक्ष प्रविता नेपालीको अध्यक्षतामा कार्यक्रम भएको हो । त्यस्तै हर्मी उपशाखाले डेगी सम्वन्धी सरसफाई, र जिल्ला शाखा, विरेनचोक, वक्राङ्क, वुकोट, अन्य उपशाखाले हेनरी ड्युनाको फोटोमा माल्र्यापण गआज ६२ औं रेडक्रस दिवश मनाएका छन् ।