सडक मर्मत गरी असोज १० अगावै सवारी संचालन गरिने
गोरखा ः बर्षादले सडक भासिँदा बेनीघाट–आरुघाट–लार्के सडक झण्डै दुइ महिना देखी अवरुद्ध वनेको छ ।

अवरुद्ध सडक खुलाउन मर्मत शूरु भएको छ । धार्चे–७ लापुवेशी र खानीवेसिमा सडक भासिएको छ । लापुवेशिमा एक सय मिटर जति सडक भासिएको र नयाँ ट्र¥याक निर्माण शुरु गरिएको सडक योजना कार्यालयका प्रमुख अमिन्द्र खड्काले जानकारी दिए । यहि साता भित्र नयाँ ट्र¥याक खोलेर सडक संचालन गर्ने गरि मर्मतको काम शुरु भएको छ । त्यस्तै खानवेसिमा पनि करिव २० मिटर सडक वगाएको छ । ‘२÷३ ठाउँमा सडकमा पहिरो खसेको छ, टेवा पर्खाल लगाउने, जाली हाल्ने, ढलान गर्ने लगायतका सुधार गरेर सवारी संचालनका लागि काम शुरु भएको छ,’ उनले भने । लापुवेशी देखि दोभान सम्मको सडक मर्मत सभ्भारका लागि सुसान निर्माण सेवाले जिम्मा पाएको छ । ९४ लाख ५० हजारको लागतमा ठेक्का लिएको ठेकेदार मार्फत नै मर्मतको काम शुरु भएको हो । असोज १० अगावै सडक मर्मत सकेर सवारी संचालन गर्ने गरि काम भइरहेको उनले बताए । सडक अवरुद्ध हुँदा धार्चे गाउँपालिकाको केन्द्र माछाखोला र चुमनुव्री गाउँपालिकाका आउजाउ गर्ने स्थानीय समस्यामा परेका छन् । अहिले लापुवेशीबाटै पैदलयात्राबाट गन्तब्यमा पुग्नुपर्ने बाध्यता छ । नेपाली सेनाले दोभान सम्म ट्रयाक खोलेर सडक विभागलाई हस्तान्तरण गरिसकेको छ । पाङसिङ सम्म सडकको ट्रयाक खुलेसँगै हिउँद याममा जिप, ट्याक्टर ट्रक चल्न थालेको थियो । वर्खाले विगोरेको दोभानबाट जगत सम्मको सडक पनि सफाई थालिएको छ ।