गोरखा ः नौ जना अपाङ्गता भएकालाई शहिद लखन गाउँपालिकाले परिचयपत्र वितरण गरेको छ ।

शहिद लखन गाउँपालिका–२, ९, ८ को १÷१ जना तथा वडा नम्वर ४, ५, ६, को २÷२ जनालाई परिचयपत्र वितरण भएको गाउँपालिकाका स्वास्थ्य शाखा प्रमुख विरेन्द्र श्रेष्ठले जानकारी दिए ।
गाउँपालिका भित्रका ९ वटै वडाका २ सय २४ जना अपाङ्गता भएकाहरुको परिचय पत्र नविकरण गरिएको श्रेष्ठले बताए । ‘क’ वर्गको ७५, ‘ख’ वर्गको १ सय ४७ जना, ‘ग’ वर्गको १० जना र ‘घ’ वर्गको १ जना गरि दुइ सय २४ जनाको परिचयपत्र नविकरण भएको उनले बताए । वडा नम्वर १ को ३९ जना, वडा नं. २ को १९ जना, वडा नं.३ को ३१ जनाको अपाङ्ग परिचय पत्र नविकरण गरिएको छ । वडा नं. ४ को १८ जना, वडा नं. ५ को २७ जना, वडा नं. ६ को १५ जना, वडा नं.७ को २४ जना, वडा नम्वर ८ को १८ जना, वडा नं. ९ को ३३ जनाको नविकरण भएको श्रेष्ठले बताए । पालिका स्तरीय अपाङ्गता परिचय पत्र वितरण समितिको टोलीले नयाँ परिचयपत्र वितरण तथा नविकरण गरेको हो । ‘परिचयपत्र वितरण भइसकेका ब्याक्तिको स्वास्थ्य अवस्था सुधार भए ‘क’ वर्गको परिचपत्रलाई ‘ख’ वर्गमा झार्ने र ‘ख’ वर्गको पत्र रहेको तर स्वास्थ्य अवस्था नाजुक भएकोहरुलाई ‘क’ वर्गको वढाउने पनि गरेका छौ,’ उनले भने । सम्वन्धित टोलमा पुगेर अपाङ्गता परिचय पत्र वितरण भएको पनि उनले बताए ।