गोरखा ः बारपाकमा घाँस काट्न गएकी एक महिलाको शव भेटिएको छ ।

बारपाक सुलिकोट गाउँपालिका–१ कि १८ वर्षिय सुचिना घलेको शव भेटिएको प्रहरीले जनाएको छ । शनिबार घाँस काट्न जंगल गएकी घले सम्पर्कविहिन वनेकी थिइन् । आफन्तले खोजतलासका लागि सोमबार प्रहरी चौकि वारपाकमा खवर गरेका थिए । प्रहरी चौकि वारपाक र इलाका प्रहरी कार्यालय जौवारीको टोलीले स्थानीय वासिन्दाको सहयोगमा खोजतलास को क्रममा मंगलबार दिउँसो खाल्डोमा पुरिएको अवस्थामा शव भेटिएको प्रहरीले जनाएको छ । वारपाक स्थित मैखर्क जंगलमा खाल्डोमा पुरिएको अवस्थामा शव भेटिएको जिल्ला प्रहरी कार्यालय गोरखाका डिएसपी इन्द्र प्रसाद सुवेदीले जानकारी दिए । घटना संस्कास्पद देखिएकाले सुक्ष्म ढगबाट अनुसन्धान भइरहेको प्रहरीले जनाएको छ । अनुसन्धानका लागि गण्डकी प्रदेश प्रहरी कार्यालय पोखरा सँग समन्वय गरी कुकुर सहितको विशेषज्ञ टोली खटाइएको छ । डिएसपी सुवेदी सहितको टोली मंगलबार घटनास्थल पुगेका छन् ।