गोरखा ः शहिद लखन गाउँपालिका–८ बुंकोटले व्यक्तिगत घटना दर्ता प्रमाणपत्र घरदैलोमा नै प्रदान गर्ने सुविधा उपलब्ध गराएको छ ।

सार्वजनिक सेवा प्रवाहमा नागरिकहरुको पहुँच वृद्धि गर्न घरदैलोमै सेवा प्रवाह थालेको वडा कार्यालयले जनाएको छ । मंललबार वडा कार्यालयले श्रीमायाँ श्रेष्ठको मृत्यू दर्ताको प्रमाणपत्र उनको घरमै पुगेर हस्तान्तरण गरेको थियो । सार्वजनिक सेवा प्रवाहमा नागरिकको पहुँच वृद्धि गर्न घरदैलोमा मृत्यूदर्ताको प्रमाणपत्र उपलब्ध गराउन थालिएको हो । व्यक्तिगत घटना दर्ता अन्तरगत हाल मृत्युदर्ता पव्रमाणपत्र सेवाग्राहीको घरमै पुगेर उपलब्ध गराउने गरिएको कार्यालयले जनाएको छ ।‘समवेदनामा गाउँपालिका भेटघाट’ कार्यक्रम अन्तरगत वडा कार्यालयकले उत्त सुविधा उपलब्ध गराएको वडाध्यक्ष बासुदेब ढकालले बताए । उत्त कार्यक्रम अन्तरगत पालिकाले वडालाई प्रतिब्याक्ति ३ सय रुपैया पदान गर्ने गर्छ । उत्त रकमबाट चिनि, फलफुल लगायतको सामाग्री खरिद गरेर परिवारलाई भेट्न जान्छौ, सोहि समयमा ब्याक्तिगत घटना दर्ताको प्रमाण पत्र पनि उपलब्ध गराउने गरेका छौँ,’ उनले भने । हाल सम्म ७ जनाका परिवारलाई व्यक्तिगत घटना दर्ता प्रमाणपत्र घरमै पुगेर उपलब्ध गराएको ढकालले बताए । मृत्युदर्ता मात्र नभइ अन्य व्यक्तिगत घटना दर्ता पनि घरदैलोमा नै उपलब्ध गराउने प्रयास भइरहेको उनले बताए । यसरी घरदैलोमा पुगेर ब्याक्तिगत घटना दर्ताको प्रमाणपत्र उपलब्ध गराउने शहिद लखन गाउँपालिका–८ देशभरमै दोस्रो र प्रदेशमा पहिलो वडा रहेको पनि कार्यालको दावी छ ।