गोरखा ः सामाजिक बिकास कार्यालय गोरखाको आयोजनामा शिक्षक विद्यार्थि प्रतिभा पहिचान कार्यक्रम सम्पन्न भएको छ ।

शनिबार भएको शिक्षक विद्यार्थि प्रतिभा पहिचान कार्यक्रम अन्तरगत विद्यार्थि नृत्य प्रतियोगितामा गोरखा नगरपालिका पहिलो बनेको छ । गोरखा नगरपालिकाको प्रतिनिधित्व गर्दै वडा नम्वर ९ स्थित महालक्ष्मी मावि सहभागिता रहेको थियो । धार्चे गाउँपालिका दोस्रो बनेको छ । दोस्रो बनेका धार्चे गाउँपालिकाबाट भने वडा नम्वर ६ को सुर्य देवी आधारभुत विद्यालय सहभागिता रहेको सामाजिक विकास कार्यालय गोरखाका तुल्सीङ गुरुङले बताए । बारपाक सुलिकोट गाउँपालिका बाट सहभागिता बनेको वडा ३ को माझथर मावि तेस्रो बनेको उनले बताए । नृत्य प्रतियोगितामा पहिलो, दोस्रो र तेस्रो हुनेले क्रमश १५ हजार, १२ हजार र १० हजार नगद पुरस्कार पाएका छन् । नृत्य प्रतियोगितामा ९ वटा पालिकाको सहभागिता रहेको उनले बताए । त्यस्तै शुक्रबार भएको विद्यार्थि वक्तृत्वकलामा पालुङटार नगरपालिका पहिलो बनेको छ । बालज्योति ईङ्लिस बोर्डिङ स्कुलका रोमिस रानाभाट पालुङटार नगरपालिकालाई प्रतिनिधि गर्दै प्रतियोगितामा पहिलो बनेको उनले बताए । शैलापुत्री माविका युनिक पनेरु बारपाक सुलिकोट गाउँपालिकालाई प्रतिनिधित्व गर्दै दोस्रो बनेका छन् । दरबार माविका रञ्जना सुर्खेती आरुघाट गाउँपालिकाबाट प्रतिनिधित्व गर्दै तेस्रो बनेकी छिन् । शिक्षक वक्तृत्वकला तर्फ भने गोरखा नगरपालिकाको विन्ध्यावासीनी माविका उदय बहादुर भट्ट पहिलो बनेका छन् । त्यस्तै शहिद लखन गाउँपालिका स्थित सिंजाली माविका सरस्वती डुम्रे दोस्रो बनेकी छिन् । पालुङटार नगरपालिका स्थित अमरज्योति माविका सन्तोष श्रेष्ठ तेस्रो बनेका छन् । वक्तृत्वकलामा पहिलो, दोस्रो र तेस्रो हुनेले ५ हजार, ४ हजार र ३ हजार नगद पुरस्कार प्राप्त गरेको गुरुङले बताए । प्रतियोगितामा ५ पालिका सहभागिता रहेको थियो । उत्त प्रतियोगितामा पहिलो हुने टिम, शिक्षक र विद्यार्थि प्रदेश स्तरीय प्रतियोगितामा भाग लिने गुरुङले बताए ।