गोरखा ः सिरानचोक गाउँपालिका–५ स्थित चित्रेपोखरीमा सन्चालित १२ औं मोहन स्मृति सिरानचोक चित्रेपोखरी दौतरी कप फुटबल प्रतियोगिताको उपाधि बारपाक सुलकोट ८ को जनप्रेमी युवा क्लव (जेपिवाइसी) जराङ्गले जितेको छ ।

न्यु दौतरी समुहको आयोजनामा भएको प्रतियोगितामा सिरानचोकको बराम फेमलि, डाडागाउँलाई हराउदै जे पि वाइ सि, जराङ्ग विजेता बनेको हो । मंगलबार भएको जेपि वाइ सि र बराम फेमलि बिच भएको फाइनल खेलमा ३–० गोल अन्तरले जेपि वाइ सि जराङ्ग विजय बनेको हो । पहिलो हुने टिमले एक लाख १५ हजार नगद पुरस्कारको साथमा ट्रफी,मेडल र प्रमाणपत्र प्राप्त गरेका छन् । त्यस्तै दोस्रो बनेको बराम फेमलि डाडागाउँले ५५ हजार नगद पुरस्कारको साथमा ट्रफी,मेडल र प्रमाणपत्र प्राप्त गरेको छ । सेमिफइनल पुगेका गुरुङ खाजा घर र चेपेआदर्श वाइसि लामागाउँले भने १५÷१५ हजार प्राप्त गर्ने छन् । त्यस्तै विविध पुरस्का तर्फ भने बराम फेमलि डाडागाउँका सन्जय श्रेष्ठ उत्कष्ट खेलाडी बनेका छन् । श्रेष्टले ४ हजार नगद पुरस्कार पाए । उत्कृष्ट गोल रक्षक जराङका रविन गुरुङ, उत्कृष्ट रक्षक जराङका सौगात प्रताप गुरुङ, उत्कृष्ट गोलकर्ता जराङका श्रीकृष्ण तामाङले दुइ÷दुइ हजार नगद पुरस्कार पाए । मंगलबार विजेतलाई वडा नम्वर ५ का कार्यवाहक अध्यक्ष रामचन्द्र पोखरेल लगायतको उपस्थितिमा पुरस्कार वितरण गरिएको थियो ।