गोरखा ः धार्चे गाउँपालिका–४ लाप्राकमा तमु ल्होसारको अवसरमा भएको जिल्लास्तरीय भलिबल प्रतियोगितामा पुरुष तर्फ लाप्राक स्नोकर हाउस युवा क्लव र महिला तर्फ बारपाक सुलिकोट पहिलो बनेको छ । तमु.क.प्ये.ल्हु.संघ गोरखा जिल्ला लाप्राक इकाई समिति तथा तमु ल्होसार मुल आयोजक समितिको साझेदारीमा खुल्ला पुरुष र महिला भलिबल प्रतियोगिता शुक्रबार सम्पन्न भएको हो ।

शुक्रबार पुरुष तर्फ लाप्राक स्नोकर हाउस युवा क्लव र जेन युनाइटेड पाउरफुल युवा क्लव, खोर्ला विच भएको खेलमा लाप्राक स्नोकर हाउस युवा क्लव विजय बनेको हो । त्यस्तै धार्चे मनास्लु युवा क्लव गुम्दा तेस्रो बनेको छ । पुरुष तर्फ पहिलो हुने टिमले ८० हजार नगदको सातमा ट्रफी, मेडल र प्रमाण पत्र प्राप्त गरेको आयोजकले जनाएको छ । दोस्रो र तेस्रो हुने टिमले क्रमश ४५ हजार र ३५ हजार नगदको साथमा ट्रफी, मेडल र प्रमाणपत्र प्राप्त गरेको छ । महिला तर्फ भने बारपाक सुलिकोट ए र बारपाक सुलिकोट वि विच भएको खेलमा बारपाक सुलिकोट ए विजय बनेको छ । महिला तर्फ पहिलो र दोस्रो बनेको टिमले क्रमश २० हजार, १५ हजार नगदको साथमा ट्रफी, मेडल र प्रमाणपत्र प्राप्त गरेको छ ।
उत्त कार्यक्रमको अवसरमा भएको नृत्य प्रतियोगितामा समृता गुरुङ पहिलो, पुस्पा गुरुङ दोस्रो र जिया गुरुङ तेस्रो बनेकी छिन् । प्रतियोगितामा पहिलो, दोस्रो र तेस्रो हुनेले क्रमश ३ हजार, २ हजार र १ हजार नगदको साथमा मेडल र प्रमाणपत्र प्राप्त गरेका छन् । छयेलो फाल्ने प्रतियोगितामा सुदिप गुरुङ पहिलो बनेका छन् । डोरी तान्ने महिला तर्फ धार्चे प्रगतिशिल महिला समुह र हिमाली आमा समुहको संयुत्त टिम पहिलो बनेको छ । पुरुष तर्फ लाप्राक समाज युवा क्लव पहिलो बनेको छ । हाँडी फुटाई प्रतियोगितामा सुक बहादुर गुरुङ पहिलो बनेका छन । बाँस चडाई प्रतियोगितामा युत्त बहादुर गुरुङ पहिलो बनेका छन । प्रतियोगितमा पहिलो हुनेले लोकल भालेको साथमा मेडल र प्रमाणपत्र प्राप्त गरेका छन् । रनिङ नाच तर्फ सुजन सुनार पहिलो, आस माया गुरुङ दोस्रो र लिल गुरुङ तेस्रो बनेका छन् । पहिलो दोस्रो र तेस्रा हुनेले विविध सामाग्रीको साथमा मेडल र प्रमाणपत्र प्राप्त गरेका छन् ।