गोरखा ःनेकपा माओवादी केन्द्रका अध्यक्ष तथा पुर्वप्रधानमन्त्री पुष्पकमल दाहाल(प्रचण्ड)ले शिक्षा क्षेत्रमा राज्यले लगानी वढाउनुपर्ने बताएका छन् ।

सोमबार गोरखा नगरपालिका–८ स्थित सरस्वती माविको स्वर्ण महोत्सव समारोहलाई सम्वोधन गर्दै देश विकासको प्रमुख आधार नै शिक्षा भएको दाहालले बताए । ‘अल्पविकसित मात्र होइन, विकसित देशहरुले पनि शिक्षा क्षेत्रमा लगानी वढाउने गरेका छन्,’ उनले भने,‘कुल वजेटको २० प्रतिशत शिक्षा क्षेत्रमा विनियोजन गर्नुपर्छ ।’ शिक्षा विधेयक संसदमा पुगेको पनि उनले बताए । शिक्षक र कर्मचारीको महत्वपुर्ण एजेण्डा समेटेर शिक्षा विधेयक पास गर्ने उनले बताए । तेस्रो पटक प्रधानमन्त्री हुँदा सुशासन, सामाजिक न्याय र समृद्धिको अभियान थालेको उनले बताए । ‘भ्रष्टचारमा संलग्न जो कोहि भएपनि कारवाही गर्नुपर्छ भनेर अभियान चलाउँदा संख्यालाई देखाएर सरकारबाट हटाइयो,’ उनले भने । आफु प्रधानमन्त्री हुँदा राष्ट्रिय, अन्तर्राष्ट्रिय रूपमा महत्वपूर्ण कामको थालनी गर्न गोरखाको जनताको मत महत्वपुर्ण रहेको पनि उनले बताए । ‘सुशासनलाई उच्च प्राथमिकता दिएर भ्रष्टचारमा संलग्न जोकोहि भएपनि कारवाही गर्ने प्रक्रिया थालनी ग¥यौँ, यो नै आम जनताका लागि आशाको दियो वन्न पुग्यो,’ उनले भने,‘माथिल्लो तहका नेताहरु, कर्मचारी र विचौलिया माथिको कारवाही सुशासनको जग कायम गर्न मात्रै सहयोग गरेन, जनतामा पुन आशा र विश्वास पनि पलाउन थाल्यो ।’ सोमबार नै दाहालले गोरखा नगरपालिका–७ स्थित नवज्योती मावि डण्डी डाडाँको स्वर्ण महोत्सव समापन कार्यक्रमलाई पनि सम्वोधन गरेका थिए । सोमबार गोरखा नगरपालिका–८ मा दाहालले पार्टी कार्यकर्तालाई भेटघाट गरे । उत्त कार्यक्रममा गोरखा नगरपालिका–४ लगायतका वडाबाट माओवादी पार्टिमा प्रवेश गरेकालाई उनले खादा लगाएर स्वागत गरेका थिए ।