गोरखा ः गोरखा नगरपालिका ९ स्थित द्रव्यशाह बहुमुखी क्याम्पसको संस्थापक मोहननारायण श्रेष्ठ र सहयोगी जेनियस एम हिप्पलको सालिक अनावरण गरिएको छ ।

बुधबार क्याम्पसको वार्षिक उत्सवको उपलक्ष्यमा सालिक अनावरण गरिएको क्याम्पसका सुजन कुँवरले बताए । त्रिभुवन विश्व विद्यालयका रजिष्ट्रार केदार रिजालले सालिकको अनावरण गरेका हुन् । क्याम्पसको शैक्षिक, भौतिक विकासका लागि अमेरिकी नागरिक जेनियस एम हिप्पलले ९ करोड ७८ लाख ८९ हजारको अक्षयकोष स्थापना गरेका छन । मोहन नारायण श्रेष्ठले क्याम्पस स्थापनामा गरेका थिए । श्रेष्ठको स्मृतिमा उनका परिवारले क्याम्पसमा सातलाख रुपैयाँको अक्षयकोष स्थापना गर्ने घोषणा पनि गरेका छन् । त्रिभुवन विश्वविद्यालयबाट अनुमति पाएको माघ १६ गतेलाई बार्षिक उत्सवका रुपमा मनाउँदै आएको क्याम्पसले जनाएको छ । २०४२ सालमा क्याम्पसको स्थापना भएको उनले बताए । क्याम्पस संचालक समितिका अध्यक्ष सितलकाजी मास्केको अध्यक्षतामा भएको कार्यक्रममा त्रिविका रजिस्ट्रार रिजाल, गोरखा नगरपालिकाकी उपप्रमुख मसलीमाया थोकर लगायतले मन्तब्य राखेका थिए ।